[A:95]ma mthong kyang / / tshe 'dir mkho ba'i shes bya'i tshig don shes/ / zhes gsung ba yang gangs khrod kyi blun sgom rnams kyi tshul la dpags na thugs shin tu mad do/ / kha che'i paNDi ta chen po shAkya shrI bha dra'i drung du bsnyen par rdzogs pa'i sdom pa mnos te/ mkhan po'i mtshan gyis mtha' can du byas nas kun dga' rgyal mtshan gyi mjug tu dpal bzang po sbyar/ mu stegs kyi ston pa 'phrog byed dga' bo lta bu sgra tshad kyi rig pa'i lus stobs rnam par rgyas pa'i gnyis 'thung yang / 'jigs pa med pa'i rtsod pa'i nga ros tshar bcad/ 'on kyang 'phrog byed dga' bos rdzu 'phrul gyis nam mkha' la 'phur bas/ slon dpon 'da' 'phyar rogs su sbran nas btul te nang pa'i bstan pa la 'jug par khas blangs/ rab tu 'byung bar zhus kyang / mu stegs kyi rtags ma bor bar yod pa rnams ngo mtshar ba'i ched du khrid byon pa/ slob dpon mtsho skyes rdo rjes bstan ma bcu gnyis la bka' bsgos pa'i mthus/ 'phrog byed kha nas khrag skyugs te shi ba'i ral pa'i cod pan dpal ldan sa skya'i ka ba'i mdzes byed du yod do/ / de nas hor rgyal po'i lung byung ba bzhin rgya hor gyi rgyal khams su byon te/ dpag par dka' ba'i sku gsung thugs kyi mdzad pa du mas mtha' 'khob kyi rgyal khams mtha' dag dam pa'i chos kyis gsal bar mdzad cing / rgyal po sa bdag gi nad kyis thebs pa las rnam par grol ba'i mi 'jigs pa'i sbyin pa bla na med pa stsal/ shar padma'i sder mdo phyogs kyi bshad pa/ lho dbang gi sder dbang byas brgya rtsa/ nub rgya mtsho'i sder klu'i rgyal po rnams dbang du bsdus te dam la btags nas char chu dus su 'bebs pa sogs 'jig rten kun tu 'bru nor longs spyod zad mi shes pa'i 'dod 'jo char du 'beb par mdzad/ byang du sgyu ma mkhan gyi sprul pa'i grong khyer la me tog 'thor bas sgyu ma bshig ma thub pas sprul pa'i sde zhes ya mtshan can du grags shing / sku'i