[A:96]bkod pa yang sprul pa'i sde nyid du bsdus so/ /
chos rje'i gcung zangs tsha bsod nams rgyal mtshan la sras lcam sring brgyad byung ba'i ma gcig kun dga' skyid kyi sras bla ma 'phags pa dang / phyag na gnyis las lo tsA ba ska ba dpal brtsegs kyi skye mtha' 'phags pa rin po che ni chung ngu'i dus nas gsung rab la thos bsam legs par mdzad cing / hor yul du 'byon pa'i dus/ dbus kyi sa'i char rab tu byung ba'i mtshan blo gros rgyal mtshan dpal bzang por gsol zhing / chos rje sa paN dang rgyal po gong ma mchod yon zhi bar gshegs rjes/ se chen rgyal po gong ma'i khri thog tu byon pa dang / 'phags pa rin po che dgung lo bcu dgu lon pa rgyal po'i ti shrir gyur nas/ kwa din gu shri'i mdzad mdo g.yang Ti'i dam kha/ gser dang mu tig gis brgyan pa'i snam sbyar/ rin po ches spras pa'i phyam rtse/ rin po che'i las zhwa/ gser gyi gdugs dang khri'u sogs bkod pas khyad par du 'phags pa'i dngos po du ma dang / gzhan yang gser bre dngul bre/ rta/ rnga mong / ja gos dar sogs bdog pa'i yo byad kyi 'dod rgu mtha' yas pa phul/ de nas mdo khams su phebs nas mkhan po grags pa seng ge'i drung du spong bdun 'khor bcas kyi tshul khrims yang dag par mnos te/ slar gong ma'i pho brang du phebs/ hor yig gsar bslabs pa'i yig phud la/ bandhe shed skyes kyi 'ja' sa thog ma gnang / rgyal pos rdo rje theg pa'i chos kyi bdud rtsi'i dga' ston lan gsum du spyad pa'i dang po'i dus su bod khri bskor bcu gsum phul/ gnyis pa'i dus su bod chol kha gsum phul/ gsum pa'i dus su rgya'i mi yur chen mo dang / rgyal po ma skyes dgra'i gdung skal gyi bde bar gshegs pa'i 'phel gdung rnams phul/ rgyal pos bod kyi bandhe rnams sa skya pa'i chos lugs ma gtogs gzhan byed du mi 'jug pa'i gsung snga phyir byon pa na/ 'gro mgon