[A:༩༥]མ་མཐོང་ཀྱང་། ། ཚེ་འདིར་མཁོ་བའི་ཤེས་བྱའི་ཚིག་དོན་ཤེས། ། ཞེས་གསུང་བ་ཡང་གངས་ཁྲོད་ཀྱི་བླུན་སྒོམ་རྣམས་ཀྱི་ཚུལ་ལ་དཔགས་ན་ཐུགས་ཤིན་ཏུ་མད་དོ། ། ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲའི་དྲུང་དུ་བསྙེན་པར་རྫོགས་པའི་སྡོམ་པ་མནོས་ཏེ། མཁན་པོའི་མཚན་གྱིས་མཐའ་ཅན་དུ་བྱས་ནས་ཀུན་དགའ་རྒྱལ་མཚན་གྱི་མཇུག་ཏུ་དཔལ་བཟང་པོ་སྦྱར། མུ་སྟེགས་ཀྱི་སྟོན་པ་འཕྲོག་བྱེད་དགའ་བོ་ལྟ་བུ་སྒྲ་ཚད་ཀྱི་རིག་པའི་ལུས་སྟོབས་རྣམ་པར་རྒྱས་པའི་གཉིས་འཐུང་ཡང་། འཇིགས་པ་མེད་པའི་རྩོད་པའི་ང་རོས་ཚར་བཅད། འོན་ཀྱང་འཕྲོག་བྱེད་དགའ་བོས་རྫུ་འཕྲུལ་གྱིས་ནམ་མཁའ་ལ་འཕུར་བས། སློན་དཔོན་འདའ་འཕྱར་རོགས་སུ་སྦྲན་ནས་བཏུལ་ཏེ་ནང་པའི་བསྟན་པ་ལ་འཇུག་པར་ཁས་བླངས། རབ་ཏུ་འབྱུང་བར་ཞུས་ཀྱང་། མུ་སྟེགས་ཀྱི་རྟགས་མ་བོར་བར་ཡོད་པ་རྣམས་ངོ་མཚར་བའི་ཆེད་དུ་ཁྲིད་བྱོན་པ། སློབ་དཔོན་མཚོ་སྐྱེས་རྡོ་རྗེས་བསྟན་མ་བཅུ་གཉིས་ལ་བཀའ་བསྒོས་པའི་མཐུས། འཕྲོག་བྱེད་ཁ་ནས་ཁྲག་སྐྱུགས་ཏེ་ཤི་བའི་རལ་པའི་ཅོད་པན་དཔལ་ལྡན་ས་སྐྱའི་ཀ་བའི་མཛེས་བྱེད་དུ་ཡོད་དོ། ། དེ་ནས་ཧོར་རྒྱལ་པོའི་ལུང་བྱུང་བ་བཞིན་རྒྱ་ཧོར་གྱི་རྒྱལ་ཁམས་སུ་བྱོན་ཏེ། དཔག་པར་དཀའ་བའི་སྐུ་གསུང་ཐུགས་ཀྱི་མཛད་པ་དུ་མས་མཐའ་འཁོབ་ཀྱི་རྒྱལ་ཁམས་མཐའ་དག་དམ་པའི་ཆོས་ཀྱིས་གསལ་བར་མཛད་ཅིང་། རྒྱལ་པོ་ས་བདག་གི་ནད་ཀྱིས་ཐེབས་པ་ལས་རྣམ་པར་གྲོལ་བའི་མི་འཇིགས་པའི་སྦྱིན་པ་བླ་ན་མེད་པ་སྩལ། ཤར་པདྨའི་སྡེར་མདོ་ཕྱོགས་ཀྱི་བཤད་པ། ལྷོ་དབང་གི་སྡེར་དབང་བྱས་བརྒྱ་རྩ། ནུབ་རྒྱ་མཚོའི་སྡེར་ཀླུའི་རྒྱལ་པོ་རྣམས་དབང་དུ་བསྡུས་ཏེ་དམ་ལ་བཏགས་ནས་ཆར་ཆུ་དུས་སུ་འབེབས་པ་སོགས་འཇིག་རྟེན་ཀུན་ཏུ་འབྲུ་ནོར་ལོངས་སྤྱོད་ཟད་མི་ཤེས་པའི་འདོད་འཇོ་ཆར་དུ་འབེབ་པར་མཛད། བྱང་དུ་སྒྱུ་མ་མཁན་གྱི་སྤྲུལ་པའི་གྲོང་ཁྱེར་ལ་མེ་ཏོག་འཐོར་བས་སྒྱུ་མ་བཤིག་མ་ཐུབ་པས་སྤྲུལ་པའི་སྡེ་ཞེས་ཡ་མཚན་ཅན་དུ་གྲགས་ཤིང་། སྐུའི་