[A:8]ba dang / sgra gcan 'dzin dang bdud rtsi zas kyi khye'u zhig kyang skyes par bshad pa'i gza' 'dzin gyi ri mo ni gza' gnas su gcig chu tshod so brgyad zla skar gyi skar gnas su bcu drug chu tshod stong pa sgra gcan gdong gi skar mar bcu drug chu tshod nyer dgu byung bas gza' 'dzin gyi ri mo ni tshad ma'i A daRsha gtsang ma'i ngos su gsal bar shar ba yin no/ /
de nas zhag zhe dgu'i bar du dam pa'i chos kyi bdud rtsi'i sgo brgya ma phye ba'i tshul bstan pas/ 'jig rten gyi byed po gser mngal can gyis skal pa mchog gi bzang po'i dpal dang ldan pa'i don du gsol ba la brten nas/ mchog dman gyi gdul bya so so'i blo dang 'tsham par zab rgyas chos kyi sgo glegs rnam par bkral nas theg pa che chung gi rigs can gyi yol go/ rang 'dod pa'i tshogs mtha' dag gcig tu 'jo ba'i ro zad mi shes pa mkha' khyab tu bro ba'i 'khor lo bskor te/ mthar gyad kyi yul rtswa mchog gi grong du dgung lo gya gcig pa dpa' bo zhes pa lcags 'brug gi lor mi 'gyur ba'i bde ba chen po chos kyi sku'i mkha' klong du sna tshogs pa'i sprul sku'i zlos gar gyis rol pa'i chu 'dzin gzugs sku tha mi dad pa'i mdzad pa bstan to/ /
de ltar bstan pa rin po che yul dbus 'gyur nas char dus kyi dal 'gro'i klung rang babs su 'gyur ba'i gshis lugs bzhin tha grur khyab pa las/ 'gro ba'i bla ma shAkya seng ge gya gcig pa lcags 'brug lo nag nyar shrI dhA nya ka Ta kar gsang ba kun gyi gan mdzod rnam par 'dzin pa'i mi'i dbang phyug zla ba bzang por sho lo ka stong phrag bcu gnyis kyi bdag nyid can gyi dpal dang po'i sangs rgyas dus kyi 'khor lo'i rgyud gsungs pa shambha lar spyan drangs nas ma la ya'i skyed tshal du sku gsungs thugs yongs su rdzogs pa'i dkyil 'khor gyi snang brnyan ye shes kyi gzi byin mngon par 'bar ba'i sgyu ma'i gar gyis rtsen pa'i