[A:7]zla ba bcu phal cher lon pa legs par sbyar ba lha'i skad du ru dra zhes pa bsil ldan pa rnams drag por brjod pa/ rgya nag pa dbang thang dang bstun pa'i ming ging shing / bod yul du lcags pho spre'ur 'bod pa'i dpyid tha sa gas nya ba me tog can gyi zla ba/ rgya nag pa si yol du brjod pa'i yar ngo'i tshes bdun gyi res gza' 'od zer bdun pa dang / las skar rgyal la babs pa na lumbi ni'i nags su sku bltams/ de nas lang tsho'i kunda rnam par rgyas pa'i zil mngar gyi sgyu rtsal drug cu rtsa bzhi'i yal 'dab kyi yon tan kun la rang gir bgyis shing / padmo'i snyems pa thogs pa'i ri dwags mig can gyi don yongs su tshang ba'i grags 'dzin ma dang sa mtsho ma sogs btsun mor dbang bskur te lo nyi shu rtsa dgu'i bar du nyi 'og gyi rgyal phran gnyis 'thung gi spyi bor 'jigs pa med pa'i rgyal thabs kyi bya ba'i skad gsang mthon pos rang byan du 'gying bar dbang thob na'ang / mchog gi sprul sku'i mdzad pa ston pa'i ched du/ dgung lo nyer dgu pa kun 'dzin zhes pa sa pho byi ba la rang byung gi sgo nas/ rab byung gi dngos po yongs su rdzogs te/ lo drug tu dka' ba spyad pas lang tsho phun sum tshogs pa las gzhan du gyur pa na/ dga' mo dang dga' stobs mas ba stong gi 'o ma lan bcu drug gi bar du nying khur byas pa'i 'o thug sbrang rtsi dang sbyar ba'i kun tu bzang po'i mchod sprin gyis sku su warNa'i mchod sdong nyi gzhon 'bum gyis 'khyud pa ltar gyur te rdo rje gdan du byang chub kyi shing drung na 'chi med bdag pos rtswa 'tshong gyi rnam par sprul te phul ba'i rtswa'i gdan la bzhugs nas/ chu srin rgyal mtshan can sde dang bcas pa'i g.yul las rnam par rgyal ba'i ba dan nam mkha'i mtha' klas par bsgrengs te/ dgung lo so lnga pa rgyal ba zhes pa shing rta'i sa gas nya ba'i bco lnga'i skya rengs shar ba na ye shes mchog gi bdud rtsi mngon du mdzad do/ / mdo las/ de'i nyin mo zla ba sgra gcan gyis bzung