[A:369]
Full ordination from mKhan chen Grags gzhon nu
de nas yongs su 'dzin pa chen po mkhan chen grags gzhon pa las bsnyen par rdzogs shing de nyid las 'dul ba'i chos kyang mang du gsan/ gzhan yang bla ma lo tsA ba mchog ldan/ dga' ldan pa kun bsod/ /sa mcher ba mkhas btsun gzhon nu grub/
/sru lung pa kun smon la sogs pa dge ba'i bshes gnyen mkhas grub dam pa rnams las mdo sde dang rgyud sde dri ma med pa rnams dang / de dag gi dgongs pa 'grel pa'i bstan bcos chen po rnams kyi lung dang / bshad pa'i bka' rdo rje theg pa'i dbang / byin rlabs/ rig gtad la sogs pa mdo sngags kyi chos bod du 'gyur ba phal che ba gsan cing / khyad par du bla ma dga' ldan pa bkra shis dpal las dpal kye rdo rje'i rgyud gsum 'grel pa dang bcas pa gsan cing thugs su chud par mdzad de/ gdan sa chen po dpal ldan sa skyar 'chad nyan gyi sgo nas kyang bstan pa dang sems can la phan pa rgya chen po mdzad do/
Teachings from Nyan chen pa
/de nas mngon par shes pa dang / rdzu 'phrul dang ting nge 'dzin du ma la mnga' brnyes pa'i chos rje nyan chen pa las/ bcom ldan 'das bde mchog /kye rdo rje/ rdo rje rnal 'byor ma'i dbang dang byin rlabs/ gsung ngag rin po che lam skor dang bcas pa dang / thun mong ma yin pa'i bla ma'i rnal 'byor/ rten 'brel snying po/ zhi byed don rgyud la sogs pa'i man ngag mang po zhus/ ting nge 'dzin bsam gyis mi khyab pa yang 'khrungs shing sgrub pa snying por mdzad par bzhed/ shangs kyi ri khrod cig la gshegs par dgongs te yum la 'jal du byon/ dril bu pa'i dbang bskur cig mdzad de 'khyag gzhir gzims pa'i mnal lam du/ dge slong dar yol ba cig na re/ dang po bla ma zhang pa gsungs pa bzhin 'o skol rang brag phug tu phyin pa drag lags so zer ba cig byung / sad pa dang shangs su gshegs pa'i 'dun pa de 'gyur/ sngon bla mas lung bstan pa yang dran zhing / byin gyis brlabs pa'i gnas mchog na bza' brag