[A:577]kyang ngo mtshar byed pa'i tshogs/ /kun bzang mchod pa'i sprin gyis ci yang klubs/ /
chos skyong dngos su bzhugs tshul 'jigs rung gi nyams ldan/
rdo rje can gyi dam tshig rjes skyong ba'i/ /yongs rdzogs bstan pa'i dpal 'di bsrung ba'i ched/ /rdzu 'phrul dpag yas ma hA kA la'i tshogs/ /mngon sum bzhugs nas bdud sde'i klad pa 'thag /dung dang gaNDi'i sgras dge 'dun 'du tshul/
chos kyi dung dang rnga chen gaNDI'i sgra/ /sprin chen 'brug gi gad rgyangs las lhag pas/ /tshul bzhin mgron gnyer ngur smig 'dzin pa'i dpung / /li khri'i chu gter g.yo ba'i dba' klong bzhin/ dge 'dun lhag par mang ba'i ngur smrig gis nam mkha'i mdog kyang bsgyur tshul nyams ldan gyi rgyan/
/'dus pa rgya mtsho'i snam sbyar 'phags pa'i gos/ /gur gum gzhon nu'i tshon gyis nam mkha'i khams/ /sindhu dmar ser
wa ra li khri'i rdul tshogs ltar/ /dmar ser 'od kyi dkyil 'khor rgya che'i dbus/ bzhugs gdan seng ge'i khri la 'gying tshul chos dpe/
mi 'jigs bzhi yi lag ldan dgras bteg pa'i/ /gser gyi rkang rten dang bcas rin chen khrir/ /gnya' shing 'dzin ri'i phrag par nyin byed ltar/ /kun nas brjid pa'i zhabs zung brtan bzhin du/ /seng ge'i khri'i steng nas chos 'khor bskor tshul/
dbang bzhi'i klung chen 'bebs la ma thogs pas/ /mtha' drug rgyud sde'i phyag rgya bder bkrol nas/ /gsung ngag gdam pa rgya mtsho'i chos 'khor gyis/ /'gro kun smin grol mdzad pa'i rdo rje 'dzin/ /gdan rabs rim par phebs tshul/
gser ri'i phreng ba ji bzhin lhun chags nyid/ /skal bzang bsod nams rgyas pa'i rnam 'dren du/ /rgyal kun dges pa'i 'khor los mnga' gsol gzi brjid can gyi rgyan
nas/
/spel legs rim gyis phebs pa rgyun mi chad/ /'dir gdan rab rnams kyi rtogs brjod dang bstod pa mdor bsdus shig brjod par spro mod/ 'dir yi ge mangs kyis dogs dang khyad par lam 'bras chos