[A:491]zhes gu ge paN chen gsungs/ chos dpal bzang pos/ nyi ma phyed tsam na rtags byung bar bshad/ zla ba gcig la lam rtags rnams mthar phyin par mdzad do/ /nyi shu pa la bsnyen rdzogs mdzad tshul sogs sngar bshad zin/ gsan yig tu mi gsal ba cung zad bshad na/ chos rje ye shes rgyal mtshan pa'i drung du/ phar phyin bu TIg gi steng nas tshar lnga gsan zhes chos dpal ba gsungs/ paNDi tas phyed dang lnga/ rje mus pas bzhi gsan gsung zhing / mkhan chen buddha shrI pa'i zin bris kyi steng nas kyang gsan gsung / mngon pa kun las btus kyi bshad pa/ dbu ma rtsa she /'grel pa tshig gsal/ dbu ma 'jug pa rang 'grel dang bcas pa/ rgyud bla/ spyod 'jug rnams rdzogs par gsan no/ /gzhan yang gsang ba 'dus pa'i bshad rgyud dgongs pa lung ston/ rdo rje phreng ba lha mo bzhis zhus/ ye shes rdo rje kun las btus te bshad rgyud rnam pa bzhi'i lung dang / sgrub thabs mdor byas/ mdo bsres/ rnam gzhag rim pa/ klu sgrub kyis mdzad pa'i dkyil chog nyi shu pa/ klu byang gis dkyil chog nyi shu pa/ zung 'jug gsal ba/ dkyil chog dang / rdo rje sems dpa'i mchod chog gnyis nag po pas mdzad pa/ rdo rje sems dpa'i sgrub thabs zla grags kyis mdzad pa rnams gsan/ /gzhan yang gsang ba 'dus pa'i rgyud phyi ma dang / 'grel chen sgron ma gsal ba/ 'grel bshad mtha' drug gsal ba/ bshad rgyud kyi man ngag gsang ba'i sgo 'byed rnams kyi steng nas bshad bka' gsan/ yang rdzogs rim rim lnga'i gzhung 'phags pa klu sgrub kyis mdzad pa/ spyod pa bsdus pa'i sgron me/ bdag byin gyis brlab pa/ mngon par byang chub pa'i rim pa rnams 'phags pa lhas mdzad pa/ rim pa khong bsdus klu byang gis mdzad pa rnams gsan/ yang rdzogs rim zab mo shin tu spros pa med pa'i de kho na nyid kyi man ngag gi nyams khrid lan gsum gyi