[A:490]dpag med lha dgu/ gzungs grwa lnga/ 'jam dbyangs a ra pa tsa na lha lnga rnams kyi dbang gsan no/ /gzhan yang bla ma so so'i drung du/ rgyud sde dang 'brel ba'i dbang bsam gyis mi khyab pa gsan nas/ rig 'dzin sngags kyi sdom pa la nyes pa'i dri mas ma gos par thugs rgyud la legs par bzhugs pa yin te/ dbang bskur ba phyin ci ma log par thob pa'i bla ma rdo rje 'chang dang dbyer mi phyed pa'i mos pa gzhan gyis dbrog par mi nus pa'i phyir ro/ /de ltar gzhi sdom pa gsum rnam par dag pa la brten nas/ gnyis pa thos bsam ji ltar mdzad pa'i tshul ni/ dgung lo dgu pa la rab byung mdzad pa de nas bzung ste/ dgung lo nyi shu rtsa lnga'i bar du gtso cher chos rje ye shes rgyal mtshan pa'i drung du bzhugs te/ sngar gyi brtag gnyis ma bsnyel bar mdzad nas/ thog mar dgung lo bcu gcig pa la gur dang / dus kyi 'khor lo dang / yo ga rdor dbyings kyi phyag len rnams mthar phyin par mdzad do/ /gzhan yang / dge bsnyen gyi sdom pa brgyad pa rtsa 'grel/ kA ri kA dang / sum brgya pa rtsa 'grel rnams gzhung don dang bcas pa mkhyen par mdzad/ dgung lo bcu gsum pa la sa bzang 'phags pa'i drung du/ sgra'i bstan bcos ka lA pa'i gzhung 'grel ma tis mdzad pa'i steng nas dang / tsandra pa bu TIka gi steng nas gsan cing / ka lA pa'i 'grel pa dur siMdha rma dha sa slob phan rnams kyang mkhyen cing / snyan ngag daNDi'i gzhung me long / ming gi mngon brjod 'chi med mdzod/ zlos gar la 'jig rten gsum kun tu dga' ba/ klu kun du dga' ba/ sdeb sbyor shAnti pas mdzad pa'i rin chen chos khol 'byung gnas dang / sa paN gyi gsung rab me tog chun po sogs gsan zhing mkhas par gyur to/ /bcu bdun pa la shar pa'i drung du/ /spros med kyi khrid zhus/ nyi ma phyed tsam nas sgom mdzad pas/ sang snga dro tsam na du ba la sogs pa'i lam rtags thams cad byung