[A:514]gsungs shing / bla ma'i thugs dgongs rdzogs pa'i ched du bsngo ba mdzad pa la brtson par mdzad do/ /de nas chos nar mar gsungs pa'i ngang nas/ chos rje buddha ba la dbus su 'byon pa'i lung bstan zhus pas/ lo gsum la phebs 'bu dang mjal ba gda' ba byon gsungs pas/ sum cu so gnyis pa la dbus su byon nas lha sar jo bo rin po che'i drung du gser chab gsol ba/ mar me phul nas phyag bskor dang smon lam mang po mdzad do/ /gsang bu dang / bde ba can/ dga' ba gdong / se ra/ chos sdings/ mal gro rnams su rim par byon te/ dpal saM puu Ti'i rgyud dang / rdo rje 'byung ba la sogs pa'i bshad pa/ rdo rje phreng ba la sogs pa'i dbang / sgrub thabs rgya mtsho la sogs pa'i rig gtad/ ma hA mA ya la sogs pa'i rdzogs rim/ lam 'bras la sogs pa'i bskyed rdzogs/ rgyud 'bum la sogs lung / gzhan yang chos 'brel zhu ba rnams la bla ma'i rnal 'byor la sogs pa'i sgo nas/ gsang sde mtshur gsum la sogs pa'i dge 'dun mang po la dam pa'i chos kyi dga' ston gyis tshim par mdzad la/ ri bo dge ldan du btsong kha pa blo bzang grags pa'i drung du byon te/ lam rim gnyis/ gsang 'dus kyi bshad rgyud gsum gyi TI ka /ngan song sbyong rgyud/ bsam gtan phyi ma rnams kyi lung zhus la/ de'i tshe gnas brtan rgyal 'od la sogs pa rnams kyis/ dus 'khor la sogs pa'i dbang bskur rnams gnang dgos zhus kyang ma gnang bar/ bla ma'i rnal 'byor la sogs pa'i chos 'brel re tsam mdzad cing snang ngo / /de'i tshe mnal lam du mi dkar po gzhog g.yas pa sa la gtad nas nyal ba cig na re/ khyed 'dir chos ma 'chad/ yun rings ma 'dug ngas gnod pa mi byed zer ba cig byung gsungs so/ /mdor na skyi shod du lo ngo bzhi bzhugs nas gtsang du byon no/ /de'i yar lam