[A:560]dbang phyug yin nam gsungs/ yin lags zhus pas/ gar byed mkhan de pa rig ma bcu drug yin par 'dug gam gsungs/ yin mchis lags sam zhes zhus zer ro/ /yang snga dro cig gi tshe/ mdang rmi lam na/ rje'i drung nas sa skya'i chu mig rdzing kha nas phyag dpe mang rab cig ma 'grigs pa bsgrig gin 'dug cing / pu sti mang po gdong dar bcas pa yang mang po 'grig 'dug pa la/ rje btsun rin po che'i zan 'bum bzhugs pa'i 'bum pa de tsho'i gseb na tshur/ rje btsun rin po che na bza' jus dkar po phod ka cig bsnams/ ba so'i shing rta chung chung cig la chibs nas khrid mkhan med par byon byung ba la/ chos rje'i drung nas khag bzhengs nas phyag 'tshal ba dang / byin rlabs zhus pa'i gsal ba ni ma byung / rje btsun chen po'i zhal nas da mi 'gro'am shog gsungs/ de nas rje btsun stag byang chub sems dpa' mkha' spyod du gshegs pa'i phyogs de na yar gshegs song ba rmi/ da 'gro na'ang sa skya'i bskyed 'phrang yan gdan stod de la chos khrims gtsang ma cig byung na snyam rtsol ba cher byas pa yin te/ de'i spros pa ni chod 'dug /gzhan sems kyi lhag ma cung zad kyang lus pa med ces gsungs/ 'di ni rje btsun chen pos bsu ba mdzad pa yin gsungs so/ /yang nyin gcig nyi ma phyed yol tsam la dbyangs gsal gyi yi ge mang du gsung zhing / bdag med ti la ka zhes brjod/ /ces yang yang gsungs so/ /de la ti la ka ni byang chub kyi sems kyi thig le ste/ de sku lus la brtan pa'o/ /de'i stobs kyis mi 'gyur ba'i bde ba chen po rab tu rgyas pa ni bdag med pa ste/ bde ba bdag med tshul can nyid/ /ces gsungs pas so/ /des na bde bas drangs pa'i yul stong nyid mngon sum du mdzad la/ de'i tshe grub mtha' snyogs pa yin te/ 'di'i tshul rgyas par bla ma dam pa'i rnam thar chos rje