[A:561]dpal ldan tshul khrims kyis mdzad pa ltar shes par bya'o/ /de dus bla ma dpal ldan gyis ci gda' zhus pas/ kha rog sdod gsungs/ mdor na de lta bu la sogs pa dag pa'i snang ba 'ba' zhig 'char zhing tha mal gyi snang ba nub cing / nang ting nge 'dzin gyi rtogs pa kho nas dus 'da' ba yin no/ /de nas sa ga'i nyer gsum gyi nyin par chos rje dkon rgyal ba phebs nas/ do dgongs mi mjal gsungs pa la/ rje nyid kyi zhal nas/ 'grul sna cig byung dogs med/ sgug yun rings da lta shog gyis gsungs/ sku drung du phebs 'phral la/ nga tshes bcu la 'gro bsam pa yin te/ khyed ma byon pas lan gsung zhing / rje sa chen gyi yin thang cig dang / rgya'i rdo rje dril bu cig dang / bla gos srab mo'i sku chos shig gnang ste/ khyed sleb pa legs/ nga na byas kyang shed chung ba las zug ci yang med/ de'i stobs kyis rngam pa rgod bag can cig 'dug /gzhan mnal ltas dang rlung gi mdog dang rgyu tshul gyi ltas log pa ci yang med/ de lta na yang nged 'das nas zla ba tshes 'phral man lam 'bras tshugs/ chos 'chad pa ma chag par gyis/ sangs rgya ba la bdag med kyi lta ba rtogs dgos shing / de rdzogs rim zab mo rnams la brten nas myur du 'grub kyang lag tu longs pa dka'/ gzhan rang gis sgom lo byas pa bas kyang gzhan la bshad na gdar sha chod cing bogs che ba yin gsung / rjes kyi bya ba rnams khyed la 'cher mi dgos/ khong 'di pa la kha da zhig tu byas yod/ bzhugs sa nged nyal sar mdzod la rdo rje bdag med ma'i sgrub mchod re ma chag pa gyis gsungs pa sogs gshegs na 'di ltar gyis kyi zhal da thog pa cig gnang gin 'dug /zhib tu sang nas khyoms so 'ong zhes gsungs/ gdan sa pas kyang bdag la de lta bu'i nus pa med cing / de 'dra dgos pa mi 'ong mchi/ de lta na yang