[A:619]tshigs bcad gsum ste/ don bdun pa shing pho spre'u'i lo tha skar zla ba'i nyi shu gsum nas/ dgu'i bar du sgrub pa'i grogs dang bcas te/ dben gnas bsam gtan phug tu bdud rtsi'i ril bu tshul bzhin du bsgrub pa bar chad med par mthar phyin te/ dri bzang po dang me tog gi char la sogs pa'i ltas bzang po yang byung ngo / /slar yang dben gnas de nyid du sku mtshams dam par bcad nas rim gnyis zab mo'i ting nge 'dzin la bzhugs te/ shing mo bya'i lo cho 'phrul chen po'i tshes bco lnga la/ bla ma nam mkha' dpal bzang sku mdun du mjal ba'i tshe/ na ning nas rje sa chen dang mjal ba la dpe med du byed na/ da lo ni rnal 'byor dbang phyug yang mnal lam du byung gsungs pas/ khong gi zhabs la 'jus te/ chos rje rin po che la de lta bu los 'ong zhus zer ba thos so/ /gzhan yang 'di'i rnam par thar pa bsam gyis mi khyab ste/ mkhas grub gzhon nu seng ge pas sa chen gyi dngos slob/ gnyan phul byung ba'i skye ba yin pa'i mtshan ma mthong ba dang / bsgom sde phra ral la chos rje bzang po'i zhabs kyi thod pa bdud rtsis gang ba gnang ba rje 'di nyid kyis gsol ba'i rmi lam byung ba dang / grub thob chen pos khyod kha rag sgom chung gi skye ba yin no zhes gsungs pa yang thos so/ /gzhan yang zab don 'chad pa'i tshe blos brtags kyi grub mtha' rnams lung rigs nyi ma'i 'od zer gyis bsal nas/ zab don gyi pad tshal 'byed pa 'di lta bu ni dus mnyam pa'i mkhas pa sus kyang 'gran par mi bzod do/ /phas rgol dang rtsod pa'i tshe/ dngos stobs kyi rigs pa gnam lcags kyi thog babs nas log rtog gi brag ri bsnyil ba ni/ 'phags yul gyi phyogs glang chos grags dang tshul mtshungs te/ nyid kyi bla ma rong ston chen po dang / sems dpa' chen po gnyis kyis kyang rigs pa'i dbang phyug chen por bsngags shing / rab byung gi dbang gsum pa'i lam bsgom du mi rung ba dang / mtshon byed dpe'i ye shes la lhag