[A:༧ན] དང། དགེ་སློང་བརྒྱ་ལ་ཆོས་སྟོན་དྲངས་ན་ལོ་བདུན་ཐུབ། དེ་ལས་ཐབས་མེད་ཟེར། དེ་ལྟར་བྱས་ཏེ་ལོ་བདུན་དུ་ཉེ་བ་ན། བུའི་རོ་མཐོང་བ་ཕ་མས་མ་བཟོད་དེ། གཡོག་དང་བཅས་པ་འཁྱམ་དུ་བཏང་ཏེ། རིམ་གྱིས་སོང་ནས་ཁ་སརྤ་ཎིའི་ཞལ་བལྟས། རིམ་གྱིས་ན་ལེནྡྲའི་སྒོ་དྲུང་དུ་སོང་སྟེ། སྙན་ངགས་ཀྱི་རིག་བྱེད་བསྒྲགས་པ། དེ་བྲམ་ཟེ་སྒྲ་གཅན་འཛིན་བཞུགས་པས་གསན་ནས། ནང་དུ་ཁྲིད་དེ་ཇི་ལྟར་གྱུར་པའི་རྒྱུན་རིམ་ཞུས་པས། རབ་ཏུ་བྱུང་ན་ཐབས་ཡོད་གསུང་སྟེགསུངས་ཏེ་རབ་ཏུ་བྱུང་བར་ཁས་བླངས་ནས་ཚེ་དཔག་མེད་འཆི་བདག་འཇོམས་པའི་དཀྱིལ་འཁོར་དུ་དབང་བསྐུར་ཏེ་གཟུངས་འདོན་དུ་བཅུག། ཁྱད་པར་ལོ་བདུན་ལོན་པའི་ནུབ་མོ་མཚན་ཐོག་ཐག་བཏོན་པས་འཆི་བདག་གི་འཇིགས་པ་ལས་གྲོལ། དེ་ནས་ལོ་བརྒྱད་ལོན་པ་དང། བྲམ་ཟེ་ཆེན་པོ་དེ་ཉིད་ལ་རབ་ཏུ་བྱུང་ནས་རིག་པའི་གནས་རྣམས་དང། ཐེག་པ་ཆེ་ཆུང་ཐམས་ཅད་ལ་མཁས་པར་སྦྱངས་སོ། ཕྱིས་ཕ་མ་དང་མཇལ་བས་དགའ་བར་གྱུར། དེ་ནས་བྲམ་ཟེ་ཆེན་པོ་དེ་ཉིད་ལ་དཔལ་གསང་བ་འདུས་པ་ལ་སོགས་པའི་གསང་སྔགས་ཀྱི་
ཆོས་
ཞུས་པས། དེས་ཀྱང་དཀྱིལ་འཁོར་དུ་དབང་བསྐུར། རྒྱུད་བཤད། ཞལ་ནས་སྙན་དུ་བརྒྱུད་པའི་གདམས་པ་དང་རྗེས་སུ་བསྟན་པ་མ་ལུས་པ་གནང་ངོ། དེ་ཉིད་མཁན་པོ་ཞུས་ཏེ་བསྙེན་པར་རྫོགས་པ་མཛད། མཚན་དགེ་སློང་དཔལ་ལྡན་ཞེས་གྲགས། དེའི་ཚེ་མཁན་པོས་ལོ་བཅུ་གཉིས་མུ་གེ་འོང་བས། གཙུག་ལག་ཁང་ཉམ་དམས་པར་གཟིགས་ནས། དགེ་འདུན་གྱི་ཞལ་ཏ་བར་དགེ་སློང་དཔལ་ལྡན་བསྐོས་ཏེ་མཁན་པོ་དཔལ་ལྡན་གྱི་རི་ལ་སྤྱོད་པ་
ལ་གཤེགས་པའི་མཚན་བྲམ་ཟེ་ཆེན་པོ་ས་ར་ཧ་ཞེས་གྲགས་སོ།