[A:60b] snang ba/ de'i slob ma don grub lce sgom/ de'i slob ma skyer sgang pa la sogs byon no/ bka' babs kyi nang nas zhang ston shar ba pa spo to ba'i chos srol 'dzin pa'i mchog ste/ 'di la slob ma'i mchog bka' babs lngar grags pa ni/ byang chub thugs kyi bka' babs mchad kha ba/ byin brlabs kyi bka' babs gtum ston blo gros grags/ gzhung bshad kyi bka' babs dam pa stabs ka ba/ rnam thar bka' babs nye mal 'dul 'dzin/ 'dis klungs shod mdar dgon pa btab/ longs spyod kyi bka' babs rnal 'byor shes rdor/ 'dis shar ba pa'i gdan sa lo gsum mdzad do/ dang po bya mchad kha ba ni/ 'khrungs yul lo ro/ gdung rus bya/ yab 'phags pa skyabs/ yum bsod nams skyid kyi sras su lcags sbrul la 'khrungs/ dwags po gtsang 'dul la rab tu byung zhus/ mtshan ye shes rdo rje btags/ gnyal du ngor rje brtsan btsan po'i chos 'khor la byon pas/ ba ri lo tsA ba rngog lo tsA ba sogs sde snod 'dzin pa mang po grub mtha'i rnam dbye 'byed pa gzigs pas/ chos tshol ba la mos te byon/ g.ye chung gi sgre dgon pa na spyan snga ba'i slob ma sgre pa chen po bzhugs pa dang mjal/ bsnyen rdzogs kyi mkhan po zhus pas ma gnang/ sgre pa la jo gdan tsha rong pa dang/ dwags po gtsang 'dul mjal du byon pa la/ mkhan slob zhus nas bsnyen rdzogs mdzad de sha mi la 'dul ba gsan/ de nas lar lungs su byon te bshes gnyen mang po bsten/ khyad par glang ri thang pa'i slob ma lcags zhing pa la blo sbyong tshig rkang brgyad ma gsan pas dad nas/ spo to ba'i slob ma dol pa dang/ lugs smad pa gnyis lo bzhi bsten/ dol pa la be'u bum sngon po yang gsan