[A:6b] rtog ge pa yi spyod yul min/ mgon po 'das pa'i 'og tu ni/ 'dzin par su 'gyur bshad du gsol/ bde gshegs mya ngan 'das pa'i 'og tshul rnams 'dzin par 'gyur ba de/ dus dag 'das nas 'byung ba ni/ blo gros chen po khyed shes byos/ lho phyogs be ta'i yul du ni/ dge slong dpal ldan cher grags pa/ de ming klu zhes bod pa ste/ yod dang med pa'i phyogs 'jig pa/ nga yi theg pa 'jig rten du/ bla med theg chen rab bshad nas/ rab tu dga' ba'i sa bsgrubs te/ bde ba can du de 'gro bo/ zhes dang/ sprin chen po las/ kun dga' bo li tsa byi gzhon nu sems can thams cad kyis mthong na dga' ba zhes bya pa ba 'di ni/ nga mya ngan las 'das nas lo bzhi brgya lon pa na/ klu zhes bya ba'i dge slong du gyur nas/ nga'i bstan pa rgyas par rab tu bstan te/ mthar gyis rab tu dang ba'i 'od ces bya ba'i 'jig rten gyi khams su de bzhin gshegs pa ye shes 'byung gnas 'od ces bya bar 'gyur ro/ zhes dang/ 'jam dpal rtsa rgyud sogs mdo rgyud du ma nas lung bstan pa'i bdag nyid chen po klu sgrub de nyid ston pa mya ngan las 'das nas lo bzhi brgya na lho phyogs be ta'i yul du bram ze rigs phun sum tshogs pa zhig bu med pa la/ rmi lam du bram ze brgya la chos ston drangs na bu rnyed ches lung bstan no/ de ltar byas nas gsol ba btab pas/ zla ba dgu na khye'u zhig btsas te/ mtshan mkhan la bstan pas/ mtshan bzang mod kyi 'on kyang zhag bdun gyi tshe las med zer/ de la ci phan dris pas/ bram ze brgya la chos ston drangs na zla ba bdun