[A:6a]bzang las/ gsang sngags mdo sde'i tshul du bshad kyis nyon/ zhes mdo sde'i sde snod du gsungs la/ a bha yas/ sde snod gsum ka'i don cha ldan du ston pas gsum ka'i char gtogs par bzhed do/ de lta bu'i lung sde snod gsum 'chad nyan gyis gtan la 'bebs shing/ bslab pa rin po che gsum sgrub pa nyams len gyis rgyud smin par mdzad pa de la bstan pa 'dzin pa'i gang zag ces bya zhing/ de ji srid gnas kyi bar bstan pa gnas pa zhes bya'o/ bstan pa'i gtad lugs kyang/ thub pa'i dbang po 'od srungs kun dga' bo/ sha na'i gos can nyer sbas dhi dhi ka/ nag po legs mthong blos mi 'bebs la sogs/ shes zhes pa ltar byon no/ 'di lung phran tshegs las gsungs pa/ nyan thos pa'i lung yin kyang don la mi 'gal te/ bstan pa'i rtsa ba so so thar pa yin pas so/ de nas bstan pa 'phags pa klu sgrub la gtad par bzhed do/ gsum pa bstan 'dzin shing rta'i srol 'byed byon pa'i tshul la gsum/ zab mo lta ba'i brgyud pa klu sgrub yab sras byon tshul rgya chen spyod pa'i brgyud pa thogs med sku mched byon tshul/ nyams len byin rlabs kyi brgyud pa byon tshul lo/ dang po ni bdag nyid chen po 'phags pa klu sgrub 'di sngon bskal pa dpag tu med cing ches yangs pa'i snga rol du de bzhin gshegs pa sgra gcan zin las dang por thugs bskyed par mdzad cing/ de bzhin gshegs pa mar me mdzad kyis kyang lung bstan par mdo las gsungs la/ thub pa'i dbang po 'dis lung bstan pa ni lang kar gshegs pa las/ so so rang rig theg pa ni/