[A:67b] rab gnas zhus pas dus tshod tshes grangs 'di la mchod pa rgya chen po bshoms/ gsol ba thob/ ngas gzims chung 'di'i steng nas rab gnas byed pa yin gsung ste/ kun gyis mthong bar gtsug lag khang dang/ mchod rten stengs su phyag nas babs pas/ de nas sprul skur grags/ mi ma yin mang po la chos gsungs pa dang / skyed rdzogs kyi rtogs pa mnga' ba/ mngon shes mang du gsungs pa sogs don du gnyeer na rnam thar che chung dang/ gtsug lag bzhengs tshul rten bshad du gsol/ de ltar slob ma mang du smin grol la bkod/ 'gro don rgya cher mdzad de dgung lo drug bcu rtsa bzhi bzhes pa sa pho rta'i lo'i nya drug zla ba'i tshes bcu bco brgyad la bya yul du thegs/ de nas gzhi byes kyi grwa pa mangs/ sku gdung bzhu ba dang bzhugs pa la ma 'tsham pas/ sku stod rdo rus kyi dpang khebs kyis dril nas/ sku smad zhugs phul bas spur dud kyis gar khyab tu ring srel 'byung ba dang / dung g.yas 'khyil/ sgrol dkar/ rnam rgyal mchod rten rnams byon no/ sprul sku chen po la slob ma nyis stong re 'dus pa'i nang nas/ ting nge 'dzin skyes pa lnga brgya/ dge bshes jag tse 'cha' ba brgya dang bcu/ de'i nang nas grags che ba phyi'i chen po brgyad/ nang gi chen po brgyad/ thugs kyi sras bzhi rje sgam po par grags pa dwags po lha rje la sogs pa byon/ phyi'i chen po brgyad ni/ mdo smad nas ngang tshang ba chen po/ brag dmar ba chen po/ dwags por sha pa gling pa chen po/ lhor lha rgya ri ba dang/ dge g.ye ba chen po/ stod lungs su gnam par ba dang/ nya ga mo pa chen po dkon mchog 'od zer/ gtsang du mu sman pa chen po dang brgyad do/ nang gi chen po brgyad la/ khrom gzher chen po 'brug lo pa/ mtshan rin chen 'od/ skam skam/ bar bar sogs dgon pa mang du