[A:7b] der slob dpon gyi thugs dgongs la gser 'gyur gyi rtsi byas nas dkon mchog dang dge 'dun gyi zhabs tog bya'o snyam du dgongs te/ slob dpon bha li pa zhes bya ba la gser 'gyur gyi gdams ngag zhus/ gling bar nas gser 'gyur gyi rdzas rnams blangs nas gser 'gyur byas pas ma grub pa dang/ chang 'tshong ma zhig gi skya ba gser du 'dug pa mthong nas/ de la zhus pas gser 'gyur grub ste zangs rnams gser du bsgyur/ mu ge ma byung ba'i sa nas 'bru mang po drangs tee dge 'dun gyi gdugs tshod sbyar/ de'i tshe yul phyogs kyi mi stobs med rnams shi/ stobs chen rnams yul gzhan du dengs te yul stongs par gyur pa paNDi ta rnams kyis rig nas khyed kyis dge 'dun la ma zhus par gser 'gyur byas/ dge 'dun log 'tsho la bkod 'dug pas gnas nas phyung la gtsug lag khang dang/ mchod rten bye ba gyis
shig
ces bsgo'o/ de'i tshe dge slong bde byed ces bya bas rigs pa'i rgyan zhes pa'i gzhung 'bum phrag bcu gnyis pa byas nas thams cad sun 'byin pa la/ de'i gnyen por chos sde snod mang po gsungs nas/ lta ba log pa rnams
sun phyung ngo/ der byis pa gnyis chos nyan du 'ongs pa'i tshe dri zhim pos 'khor kun du khyab par gyur cing/ song ba na dri med par gyur pa dang/ de gnyis la rgyu mtshan dris pas/ nged klu'i rgyal po 'jog po'i bu yin/ mi yul du 'gro ba la tsan dan gor shiksha'i bsrung ba byas pa yin zer ro/ der tsan dan de la sgrol ma'i sku cig bzhengs na phan yon che bar dgongs nas/ tsan dan de blang du yod dam byas pas/