[A:75b] bya ba khab tu bzhes/ sras gsum byung ba/ khye'u la stag/ bu mo stag/ khye'u la dor ro/ chung ba khye'u la dor rab tu byung ste sgom pa shes rab grags zer/ che ba khye'u la stag dgung lo bcu gnyis pa snon phu gnyer du sprul sku bya yul bas mkhan po mdzad/
rnam thar gzhan na mkhan slob gsal ba mi snang/
zhang snying phug pas slob dpon mdzad nas rab tu byung ste/ mtshan gzhon nu grags su btags/ dgung lo bcu bdun la sne'u zur du byon/ lo dgu bzhugs/ sne'u zur pa gshegs nas bya yul ba chen po lo lnga bsten/ bka' gdams kyi chos skor rdzogs par zhus/ slob ma brgyad brgya tsam byon pa'i nang nas grags che ba nya/ bya/ zug dang gsum/ dge bshes g.yor ston/ skyi ston/ lho brag ston pa/ dmar ston/ khams ston/ ston pa 'od zer sla ma/ smon lam bzang po/ ston pa gzhon legs sogs byon zer ba 'dug kyang/ sa cha 'di dang/ dgon pa 'di btab sogs gsal ka ma thos la/ sangs rgyas dbon ston ni 'gran gyi
do med yin no/ me mo bya la ra sgreng btab nas lo drug bcu re gnyis song ba/ sa mo phag la rin chen sgang dang gtsug lag khang rnying ma bzhengs/ bla ma'i gdan sa la sgo ston gsung nas bya yul phyogs su bstan/ jo bo mi g.yo ba/ dam tshigs gsum bkod/ jo bo 'jam dpal rdo rje'i zhal gzigs/ sne'u zur pa dang bya yul ba'i gsung sgros dgang gsos nas lam rim po ti bzhi ma dang gnyis ma bya ba sangs rgyas dbon ston sogs la gnang bas/ sangs rgyas dbon ston gyi zin bris
su btab/ gdan sar lo lnga bcu bzhugs/ khya gnyis pa yos lo'i dgun zla ra ba'i nyer dgu la thegs/ sangs rgyas dbon ni/ dgyer sgom chen po'i mched zla dgyer bu mo stag ces pa dang /