[A:76a] yum sha mo stog go zhes pa la sras lcam sring gsum byung ba'i che ba yon bdag ya po zhes pa/ dge 'dun dang dkon mchog la dad pa zhig byung/ bar pa sangs rgyas dbon/ lca mo rgya mo hor dang gsum mo/ sangs rgyas dbon sprul sku bya yul ba'i sku skyer byed pas/ dgyer sgom gyi zhal nas/ ngas bla ma'i gsung cig la brten nas/ btsun chung 'di la byams par byas pa yin gsung/ sangs rgyas dbon dgung lo bcu bdun la dge bshes 'ben thang pas mkhan po/ dwags po bang rim pa lde'u sgom gyis slob dpon mdzad de rab tu byung/ mtshan gzhon nu 'byung gnas su btags/ lo bcu dgu la skyid smad du byon/ dge bshes nyang ran dang/ dge bshes kha ches mkhan slob mdzad de bsnyen par rdzogs/ 'phan yul mdar ka ba dar seng la 'dul ba dang/ gzhan yang sde snod mang du gsan/ de nas lo bcu bco brgyad kyi ring la dgyer sgom chen po bsten nas/ gsung rab mtha' dag dang/ lung man ngag rdzogs par gsan/ yi dam chos skyong dpag tu med pa zhal gzigs/ rgya mar gtsug lag khang gsar ma bzhengs pa dang/ rin chen sgang gi gling rgya bkyed pa/ phyogs kyi gtsug lag khang dang rten gsum mang po'i rab tu gnas pa sogs 'gro don rgya che zhing/ sangs rgyas skal ldan shing rta zhes par 'gyur bar zhal gyis bzhes/ spyan ras gzigs kyi sprul par yang grags/ rgyas par don du gnyer na khu dbon gyi rnam thar thun mong ba che ba gcig dang/ mchod khang bzhengs tshul bkra shis le'u brgyad ma bya ba lho pa dbu ma pa nam mkha' shes rab zer ba'i slob ma cig gis byas pa dang/ ri bo maNDal gyi rtser byon pa'i rnam thar rnams su gsal lo/ slob ma rtogs ldan bzang