[A:81a] ba'i chos/ bsags pa'i tha ma 'dzad pa las/ tshe 'di'i snang ba bag re la/ rgyu mtshan ci yang mi gda' ba/ de bas mi rtag thun re bsgoms/ gsungs pas/ rngog dgongs pa la 'di jo bo yab sras kyi chos skad thun mong ma yin pa yin/ 'di la dge sbyor gyi khrigs dang/ dad gus ci 'dug blta snyam nas/ dri lan mang du mdzad pas/ bka' gdams glegs bam rngog gi phyag tu bzhugs pa shes rab rgyal mtshan gyis rtsad chod de zhus pas/ thog mar bu chos kyi le'u dang po bram ze'i khye'u gsal bar sku skye ba bzhes tshul sogs gsungs/ mdor na tshig re re la'ang bslab pa gsum/ lha bzhi/ rjes dran lnga tshang ba re mdzad de/ bslab pa gsum yang tshul khrims bsrung ba dang/ gzhan don du bsam pa bzang po byed pa/ de thams cad bden gnyis su dril nas nyams su len pa dang/ lha bzhi ni rab tu byung ba'i cha nas shAkya thub pa'i bka' thams cad la babs/ tshad med pa bzhi la dge sbyor byed pa'i cha nas thugs rje chen po/ 'gro don byed pa'i cha nas rje btsun ma sgrol ma/ gnyen po bsten pa'i cha nas mi g.yo ba dang/ rjes dran lnga ni/ lhag par sgrol ma 'di skad gsung/ sras kyi thu bo spyan ras gzigs/ khyod kyi rjes 'brang kho mos bskyab/ kho mo'i gdams pa 'di long la/ rjes su 'brang la bstan par bya/ skyabs gnas bla ma dran par mdzod/ lus ni lha yi rang bzhin te/ ngag ni bzlas brjod rgyun par mdzod/ 'gro ba ma lus pha mar soms/ sems kyi gnas lugs stong par dpyod/ lnga po de yi skyabs par nas/ dge rtsa thams cad dag par mdzod/ ces te/ 'di rnams kyi nang du nyams len 'du bar bzhed cing/ bka'i babs che chung gang zag blo mtho dman gyi rim pas