[A:80b] gnas gsar la sogs pa'o/ 'be shes rab 'bar gyis nyang stod gnas rnying du phar phyin gyi gra grwa sa gtsugs btsugs te/ la stod dkon mchog mkhar la sogs pa smin par mdzad do/ ar byang chub ye shes kyis gnam rtsang ldeng dang gzhu kun dga' rab sogs su chos gsungs te/ gra grwa pa dpe 'grems dus gcig la'ang brgyad brgya tsam 'dus/ grags che ba dkar chung ring mo sogs mang du byon no/ gzhan yang gnyal zhig gi slob ma las brgyud pa'i sa skya/ zha lu/ snar thang sogs gtsang gi chos sde grags che ba rnams su mtshan nyid kyi bshad grwa btsugs te/ mdor na rngog lo tsA ba khu dpon nas brgyud pa rnams a ti sha'i slob brgyud kyi mchog tu gtogs shing/ bstan pa spyi la bka' drin che bas zur tsam smos pa'o/ gnyis pa mnga' ris pa shes rab rgyal mtshan las glegs bam byung tshul ni/ rngog legs pa'i shes rab de nyid la gsang phur gra grwa pa lnga brgya tsam 'dus te gzhan phan skyong ba'i dus su/ de rnams kyi nang nas rnam g.yeng la mi dga' zhing/ 'dod yon la ched du mi byed pa'i byang chub sems dpa' shes rab rgyal zhes pa/ mnga' ris stod pa/ jo bo dang 'brom gnyis ka la chos kyang thos pa cig yod pa de 'du 'tshogsmi 'ong bar gsang phu'i nags khrod cig na sgom 'ba' zhig mdzad cing bzhugs pa la/ de dus rngog gsang phu bas nag gseb na yar la skyo sangs la byon pa na/ byang chub sems dpa' shes rab rgyal mtshan dang mjal nas/ rngog la phyag 'tshal ba dang/ rngog na re/ khyed bza' btung longs spyod la mi lta ba ngo mtshar che/ dus deng sang rnam g.yeng spangs nas 'di lta bu'i dge sbyor byed pa la dka' las yod/ khyed thugs dam gyi mthil ci la mdzad gsungs pas/ shes rab rgyal mtshan na re/ yongs 'dzin dam pa gsan du gsol/ 'dus byas chos ni 'di 'dra ba/ skyes pa'i tha ma 'chi