[A:30a] de 'dra so sgor ma 'don de yin na/ nang ning nas paN chen gcig las gcig che ba nyi shu tsam gdan drangs na'ang 'drongs drongs te/ 'o skol bod kyi sems can gyi spyod gshis rgyus med dam/ a ti sha ma gtogs sus kyang bod kyi sems can mi thul bas/ da dung a ti sha rang gdan ci 'drongs drongs byed gsung ngo/ gzhan paNDi ta ci 'dra yod zhus pas/ 'di ltar/ shAnti pa/ nA ro pa/ Do mi ba/ mar me mdzad bzang po/ a ba dhu tI pa/ byang chub bzang po/ rin chen bzang po/ rin chen sde/ lha'i blo gros/ ngag dbang grags pa/ nag po pa/ dzai tA re dgra las rnam par rgyal ba/ rol pa'i rdo rje/ sa 'gebs pa'i zhabs/ ye shes gsang ba/ chos kyi bshes gnyen/ tshul khrims dbang po la sogs pa paNDi ta bsam gyis mi khyab pa lnga bcu rtsa gnyis tsam yod kyang/ thams cad rang sa rang sa na ngo mtshar che mod kyang/ 'o skol bod la mgon po a ti sha min pas phan med gsung/ 'o na a ti
sha
ston par zhu dang zhus pas/ khyod rang nang par dge 'dun gyi kun dga' ra bar dge 'dun stong phrag mang po 'ong gi/ de'i nang na lhong ba/ lha me ba/ sku lta bas chog mi shes pa/ gral gang du bzhugs kyang mdzes pa zhig yod kyis/ de a ti sha yin pas/ de la nyin mtshan du gsol ba thob gsung/ de nas rgya brtson seng dpon slob gnyis kyis gnas brtan ratnA a kA ra'i drung du phyin/ phyag byas gser srang phyed phul te/ rgyas bslabs pa bzhin nag tshos zhus pas/ gnas brtan gyi zhal nas/ shin du legs/ tshe dang ldan pa 'di ltar yin/ nged 'dir mi la tsag pa ma yin te/ 'di na a ti sha med na/ rgya gar sangs rgyas kyi bstan pa'i 'byung gnas yin pas/ 'dir