[A:38b] 'dir theg pa chen po'i lam la log par rtog pa'i gang zag / dge ba'i bshen gnyen gyis ma zin pa dag phan tshun rtsod cing/ rang rang gi rtog ges zab pa dang rgya che ba'i don la dpyod cing/ so sor mi mthun pa dag mchis pas/ de dag gi the tshom bsal du gsol zhes pa dang/ gzhan yang theg pa thun mong ba'i dri ba gnyis/ pha rol du phyin pa'i dri ba gnyis/ gsang sngags la dri ba gsum la sogs pa mang du zhus nas/ byams pa dang klu sgrub nas brgyud pa'i gdam ngag bla ma nyid kyis thugs nyams su bzhes pa tshig nyung la don rgyas pa cig mdzad par zhu zhus pas/ mdo sngags gnyis ka'i gnad bsdus nas ston pas brjod bya yongs su rdzogs pa dang/ sems 'dul ba'i rim pa gtso bor mdzad pas lag tu blang bde ba dang/ shing rta chen po gnyis kyi lugs la mkhas pa'i bla ma gnyis kyi gdams pas brgyan pa lugs gzhan las khyad par du 'phags pa byang chub lam gyi sgron ma mdzad/ yang lha btsun pas/ rgyud gsang ba 'dus pa/ man ngag ye shes zhabs lugs dang/ gtso bo spyan ras gzigs kyis mdzad pa'i sgrub thabs zhus pas/ gsang 'dus 'jig rten dbang phyug gi lha bcu dgu'i bsgrub thabs mdzad de gnang ngo/ de'i tshe lo tsA ba rin chen bzang pos/ rgyal pos spyan drangs lugs/ dka' spyad du ma'i mthar spyan 'drongs tshul dang/ paNDi ta'i yon tan gyi khyad par mtha' yas pa/ sngar nas kyang thos shing/ rang phyogs su byon tshul rnams gsan pas/ dus deng sang nga las yon tan che ba med dam/ paNDi ta byon kyang zhu rgyu tsam ma mchis/ lhag par yang paNDi ta de 'dul khrims dang mdo sde la rtsal du 'don pa gcig 'dug zer/ de'i rigs la theg pa chen po gasngags kyi lugs 'byung ba shin du dka'/ lar gang zag bzang po cig