[A:134]khams cung zad bsnyel ba'i tshul bstan zhing / phyi rol tu yang de'i lo dgun grang sgang la grum pa'i chu cher rgyas nas bla brang zam pa la ma shong bar tshogs chen mor lud pa dang / ston ka skyed lhas kyi se 'brum sogs kyang cher ma skyes shing / cung zad skyes pa rnams kyang de ma thag skam pa dang / sa chen po yang skabs skabs su g.yo zhing / dus ma yin pa'i rlung sgra sgrog pa dang / 'od 'khyug pa la sogs pa'i ltas mang du byung bas/ skye bo gzhan rnams kyang the tshom du gyur/ rje nyid ni thugs mi bde ba med bzhin du gzhan rnams kyi blo ngo dang bstun te/ sman grong nas nang pa drung rdor pa spyan drangs te phyag rtsa 'bul ba dang / gsol sman zhu ba sogs mdzad pa dang du bzhes/ zla ba brgyad pa'i nyer brgyad tsam la/ dge slong don rgyal ba sku drung du bos nas/ btsun pa shi ba'i shul du nor mang po lus pa 'di don du'ang mi 'gyur zhing / 'jig rten pa rnams kyis kyang / phyar ka'i gnas su byed pas/ dngos po stobs che ba 'di dang 'di dag gdan sar dge 'dun rnams kyi phyag tu phul/ chos kyi rgyal po'i dbu theb nyin mo bde legs ma 'di gzhan bzhes pa'i 'os mi 'dug pas/ slob dpon chen po kun dga' bkra shis pa la phul gsung ba sogs kyi zhal ta phebs/ dge slong pas kyang de 'phral gdan sar phebs te/ ji ltar gsung pa bzhin gyi sku rim rnams bsgrubs/ nyer brgyad kyi nyin nang pa drung rdor ba la sogs pa phyags phyi ba rnams kyis 'dol ler spyan drangs nas bzhi thog bla brang gi gzims khang du phebs pa na/ 'dir sleb pa de go bcad blo bde gsungs/ sang nyin de nas kyang