[A:44]gyi nang tshan 'khon klu'i dbang po bsrung ba zhes grags pa de yin/ bzhi pa tshe 'dzin gyi sras rdo rje rin chen/ klu'i dbang po dang 'di gnyisakyis slob dpon chen po padma 'byung gnas kyi zhabs la gtugs te/ gsang sngags rnying ma'i chos la mkhas shing grub par grags/ de nas 'khon rog shes rab tshul khrims la thug gi bar gdung rabs bcu tsam gyi ring la/ dpal chen po yang dag dang / rdo rje phur pa la thugs dam gyi mthil mdzad/ brag la phur pa thebs pa dang / rnga la zhon nas nam mkha' la 'gro ba la sogs grub rtags kyi rdzu 'phrul sna tshogs mngon sum du ston nus pa dkar bdud dang bstan ma bcu gnyis chos skyong du mdzad cing bran du bkol ba sha stag byung / shes rab tshul khrims kyi gcung dkon cog rgyal por grags pa 'di nas bzung ste gsang sngags phyis 'gyur gyi bdag por gyur pa yin te/ de yang slob dpon padmas/ rgya gar bi ru nag po yi/ /sprul pa 'brog mi lo tsA 'byung / /zhes lung bstan pa'i rtsod dus ky-i rdo rje 'chang chen po 'brog mi lo tsA ba shAkya ye shes la sogs pa mkhas grub du ma'i zhabs la gtugs te gsang sngags gsar ma'i gzhung gdams ngag mang du zhus/ dgung lo bzhi bcu pa/ sangs rgyas kyi bstan pa lnga brgya phrag bcur gnas pa'i nang nas phrag bdun pa mngon pa'i dus kyi lnga brgya'i steng nas lo nyis brgya dang bdun lon pa'i chu mo glang gi lo khrums kyi zla ba'i yar tshes la bod kyi rdo rje gdan dpal ldan sa skya'i gtsug lag khang btab/ 'di man sa skya 'khon gyi gdung brgyud du grags/ de'i sras jo bo rje lha