[A:45]gcig gi bande byang chub sems dpa' byang sems sbyin pa dpal gyi rnam 'phrul las/ rje btsun sa skya pa chen po kun dga' snying po zhes kha ba can gyi rdo rje 'dzin pa kun gyi gtsug rgyan dam par bya ba de byon/ 'di nas 'jam dbyangs kyi gdung brgyud ces gleng ba'i rgyu mtshan ni/ jo bo rje dpal ldan a ti sha bod du byon nas mnga' ris stod sogs su lo gsum bzhugs/ 'brom ston pas spyan drangs te dbus la phebs pa'i lam 'brong ngu la'i rtse mor phebs pa dang / dbon po ri gzigs pas/ de'i ngos la 'brong chen po gnyis rtsa za zhing yod pa gzigs/ 'khor rnams la 'di ltar 'dug gsungs/ de ci'i ltas lags zhus pas ma 'ongs pa'i dus su ma hA kA la gnyis der 'phrin las mdzad pa'i ltas su 'dug gsungs/ deng sang sa skya pa'i chos skyong gur zhal rnam gnyis la byed pa 'di lung bstan/ de nas phyag 'tshal sgang du phebs pa dang chibs pa babs nas mchod pa shoms gsungs/ sa dkar logs la phyag mchod rgyas par mdzad/ de ltar mdzad pa ci lags zhus pas/ khyed rnams kyis ma mthong ngam sa dkar po pha ga'i logs la dhIHyig bdun dang hUM yig gcig 'dug pa la phyag mchod byas pa yin gsung / de ci'i ltas lags zhus pas/ ma 'ongs pa'i dus su 'jam dbyangs kyi sprul pa bdun dang / phyag na rdo rje'i sprul pa gcig ste brgyad pha gir byon nas 'gro ba'i don mdzad pa'i rtags su 'dug gsung ba dang / gzhan yang slob dpon padmas klong gsal mkha' 'gro snyan brgyud kyi lung bstan las/ kun dga' snying po sa skya lo