[A:51]'jal lam bdun bgrod pa na/ ham chu zer ba'i mkhar mig chen por bzhugs/ de nas 'jam dpal chu bgrod pa na ri bo po ta la yod zer/ der sbas pa'i rnal 'byor pa'i tshul gyis bzhugs/ der rgya mo zhig la dbang bsod nams bzang po 'khrungs/ dpon chen kun dga' 'od zer du grags pa'i nye gnas khams pas zhabs tog gi mthil byas/ rgyal po'i lung lci mo byung dogs pas sgrol ma la gsol ba 'debs pa la 'bad pas nyin gcig padma'i sdong po zhig gi steng na rje btsun sgrol ma byon nas phyag g.yas pas bla ma'i spyi gtsug tu skyabs sbyin gyi tshul du mdzad de/ bu 'dod pas ni bu thob 'gyur la/ /nor 'dod pas ni nor rnams nyid thob/ /'dod pa thams cad thob par 'gyur te/ /bgegs rnams med cing so sor 'joms gyur/ /zhes gsungs shing zhal bstan dbugs phyung ngo / /de'i tshe dharma pA la sku gshegs pa'i gdung thams cad ring bsrel du song ba rgyal po la phul bas ngo mtshar skyes te/ nga'i bla ma'i dbon po yin pas chog pa 'dug pa la da dbon po med gsungs nas spyan chab ston pa la/ khang sar ba ti shri grags pa 'od zer sogs kyis bla ma'i dbon po bdag nyid chen po yin pa'i rgyu mtshan zhus pas rgyal po yang thugs 'gyur/ de dus dpon chen ag glen gyi snga phyir gros kyi dang len mdzad/ de'i grogs kham pa dbon nag tu grags pas kyang byas/ sa skya'i bka' bgros bsdur te ti shri grags chen la zhu yig mdzad/ nyin bde ba gu shri shes rab dpal gyis gong ma rgyal po la yang yang zhus/ de'i grogs mi chen o shus kyang