[A:82]mod/ /thugs kyi chu gter ngos su gsang chen gyi/ /cha shas yongs su rdzogs pa'i ri bong can/ /snyan brgyud bdud rtsi'i gter de lhung ba bzhin/ /gang las gsung ngag padmo'i ze'u 'bru'i bcud/ /thob pa'i rkang drug ldan pa bsam yas kyang / /slob bshad zab mo'i u dumWA ra yi/ /ge sar snying pos 'tsho ba khyod kho na/ /gang phyir zhe na bla chen sa skya pa/ /dus 'dir rang rig dam pa'i tshul bzung ba/ /mgon 'di'i ye shes spyan gyis legs gzigs nas/ /dam chos bdag po nyid la gtad par nges/ /bdag chen rdo rje 'chang chen po'i rnam par thar pa yid 'phrog utpala'i do shal zhes bya ba las mus su phebs nas bsnyen par rdzogs shing / gsung ngag rin po che la sogs pa gsang chen zab mo'i bka' drin nos pa'i skabs te bzhi pa'o/ /mdo khams phyogs su mthu stobs rdzu 'phrul gyis/ /nag po'i g.yul las rnam par rgyal gyur cig /zab yangs gdams pas skal ldan rjes su gzung / /kun gyi yon gnas gyur la phyag 'tshal lo/ /mus su bzhugs pa'i skabs der a gro dge grags dang / dbon po chos dge phan la sogs pa khams pa'i grwa pa 'ga' zhig gis khams phyogs la skor cig phebs pa shar na bstan pa dang sems can gyi don rgya chen po 'grub tshul sogs rgyu mtshan nan bskyed phul bas/ zhal gyis bzhes te de bzhin gyi rgyu mtshan rje sems dpa' chen po la'ang 'bul ba gnang bas de bzhin gnang ba shin tu legs pa 'ong gsung ba'i bka' lung / gnang sbyin/ rdzong pa bzang po dang bcas pa gnang / spre'u'i lo