[A:83]de'i ston sa skyar phyags phebs/ de nas de ma thag dpon slob nyung shas shig khams phyogs su phebs pa'i chibs kha bsgyur/ phebs lam rgyal rtse brgyud nas phan yul nA landar phebs/ der yang spyan snga kun dga' rdo rje pa sku mched dang / dro sa pa kun mkhyen chen po'i sku skye lcags lung chos rje thams cad mkhyen pa sogs dge ba'i bshes gnyen mtshungs med mang pos zhabs rdul spyi bor blangs shing 'bel ba'i bka' mchid kyi bdud rtsi nos/ sde pa rgya bya rnam pa gnyis la sogs pa dad ldan gyi 'gro ba mang po la rang rang gi bsam pa dang 'tsham pa chos kyi bka' drin stsal bas rgyud tshim par mdzad/ phebs lam la nye bar mkho ba'i yo byad rnams kyang khong rnams kyis dad cing gus pa'i sgo nas phul bas/ de nas byang gi sa'i phyogs spa skong dgon pa zhes bya bar phebs/ de na gnas pa'i bla ma dge ba'i bshes gnyen mang po la gsung ngag rin po che la sogs pa gang la gang 'os kyi gsung chos kyi bka' drin stsal bas thams cad kyang mi phyed pa'i dad pa la bkod/ sa skyong zhes bya ba shing mo bya'i lo la a gro'i sa phyogs rin chen sgang zhes bya bar phebs te/ drung pa bkra shis rgyal mtshan pas gtso mdzad/ der gnas pa'i skal ldan gyi slob ma rnams la gsung ngag rin po ches thog drangs pa'i dbang byin rlabs lung man ngag mtha' yas pa gnang bas dga' zhing mgu la yi rangs par gyur/ ngas de tsam na rje btsun gcen gyis khams phyogs su phebs pa'i tshe btab pa'i dgon pa don grub gling zhes bya bar spyan drangs te phebs pa na/ dus phyis sa phyogs der sa skya pa'i