[A:103]mtshams dam pa bzhugs pa'i skabs shig tu 'byung po chen po zhig dge bshes kyi chas su byas te snam sbyar ber thul sogs brtsegs ma mang rab gyon/ lag tu gtor ma khyer/ 'khor stobs che ba dang bcas kha'u'i gzhung lam la zhugs phyag 'tshal sgang du slebs pa na 'phags pa brag khung gi gtor khang ldebs la dpal mgon chen po'i sku bram gzugs rje rang gi phyag nas ma zhig bkram yod pa las 'od zer sngo nag phyogs mtshams kun tu 'phro ba dang dus mnyam du mi rkang gi gling bu'i sgra skad shin tu che ba drag pa zhig bus byung bas skad cig de nyid la bar snang la sprin nag po 'khrigs 'byung po yod pa'i sa der thog ser shin tu drag po dang bcas babs song bas 'byung po 'khor bcas gar song cha med du song ba byung / de dus kyi bris sku de yang rgyal mkhar rtse ba la gnang nas yod do/ /lan cig nor bu khyung rtser phebs pa'i tshe chos rje rkyang 'dur ba dpon slob dang / gzims khang ste 'og tu mdzad nas bzhugs/ rje dpon slob rnams kyis tshoms chen 'og tu chos skyong rnams las la bskul ba'i rol mo drag du brdung ba mdzad pa na steng du chos rje rkyang 'dur ba'i dgongs pa la mtshan nyid pa rgan po'i skyon gyis bslad pas rnga brdung ba 'di la rang 'byung sa chen po med dam snyam byung / de nas cung zad song ba'i dus chos rje rkyang 'dur ba'i gzigs snang la sprul pa'i mi nag khyi nag bya nag sogs pho nya mang pos 'byung po chen po snam sbyar ta hun gser ma thang thebs gyon pa dang bcas pa'i ske nas zhags pas bzung / lag pa bsdams pa zhig skar khung gi mthongs ka nas tshoms chen 'og ma'i 'brub