[A:105]dus tho rangs kha cig dpal mgon bram ze'i gzugs kyis mi 'di kha brdar drags 'dug pas na ru 'ong bar 'dug gsung ba'i snang ba byung bas/ de nub nas zhag 'ga' yar gyi bar khrag 'khrugs la brten pa'i sku khams mi bde ba byung bas mgon po'i chos la gces spras byed pa'i 'khu ldog tu dgongs nas de la dmigs pa'i mchod gtor phul bas sku khams legs par dngas pa dang / yang skabs shig gi tshe gnas gsar ba'i gzhis rin chen sgang du phebs dus khong rnams kyis rtsis mgon gyi lha mo la bskang mdos phul ba'i tshe/ rje nyid kyis khyod kyi lha mo la bskang mdos yang yang dgos pa 'di 'dra skog pa la gsungs pas lha mo de cung zad ma mnyes par de nub tho rangs rje thugs dam la bzhugs pa'i mdun du shin tu 'jigs pa'i cha lugs su bstan nas byon pa na bar chad bya bar ni ma nus/ rnal 'byor pa lta ba la blo sbyangs 'dug gsung / zhal cung zad 'dzum pa dang bcas nas de nyid du mi snang bar gyur/ gzhan yang 'od gsal gyi gzigs snang la thog bcas kyi dngos pos sgrib mi nus par ji lta ba thams cad gzigs par snang ste/ lan cig sa skya bla brang shar na gsung chos gnang ba'i dus rgya 'dre dpon g.yog rnams sa skya'i nye 'khor na sgar rgyab/ skabs su dpon po de'i thog tu gdugs nyi 'og tu slebs pa tsam byas/ sa skya la skor ba phyin ci log thangs re byas dus rgya 'dre mi gsad sogs yong ba zhig 'dug pa la/ rje nyid kyis thugs dam lta ba'i sgo nas me dmigs mang du gnang bas zhag 'ga' nas gsung chos pa rnams phyir 'gro ba dang mnyam du mi sog po'i rnam pa can 'jigs su