[A:108]med gtam 'di nges pa'i don du bsgrags/ /ma rungs gshed ma bstan srung rgya mtsho'i gtso/ /ma hA kA las zhal dmar dngos su bstan/ /ma mo kun gyi gtso mo 'dod khams mas/ /ma ltar brtse bas ci gsung las kun bsgrubs/ /mthu chen gnyan gyi mgon po gdong bzhi pa/ /yum chen pho nyar bcas pas dus kun tu/ /dngos dang rnam 'phrul du mas zhal bstan nas/ /rdo rje'i bka' lung rna ba'i rgyan du blangs/ /dam can pu tra ming sring 'khor tshogs bcas/ /rnam rol du mas nyin mtshan thams cad du/ /he ru kaHdpal khyod kyi bka' yi bran/ /ma bsgos par yang thogs med bsgrub par gyur/ /dngos kun bsgrib med gzigs pa'i ye shes spyan/ /mkha' la shing bal ltar g.yo'i rdzu 'phrul zhabs/ /gdul dka' ma lus 'dul ba'i mthu stobs gter/ /gsum brten bsgrub pa'i dbang po bstan pa'i dpal/ /khyod dang rnal 'byor dbang phyug gnyis/ /mkhas dang grub par mtshungs mod kyis/ /bi rU ral pa'i khur gyis brjid/ /khyod ni ngur smrig gos kyis so/ /yongs 'du'i tshal na yid bzhin bu/ /sa la gnyis 'thung mkha' la sprin/ /pad mtshor dang mo khyod kyi zhabs/ /mkhas grub yongs kyi gtsug na rgyu/ /e ma ho dam pa'i rnam thar ma yin sum rtsen gzhon nu rgyu ba'i lam/ /khyod kyi mthu stobs rol rtse dam yin ayon mkhan po'i sgyu 'phrul gar/ /snyan grags rna ba'i bcud len ma yin srid gsum khyab pa'i zla shel 'od/ /'di ltar bdag gi brjod pa ma yin dge dbang dpa' bos smras te song / bdag chen rdo rje 'chang chen po'i rnam thar yid 'phrog utpa la'i do shal zhes