[A:109]bya ba las gsang ba las kyang ches gsang ba thun mong ma yin pa'i rnam thar gyi skabs te bdun pa'o// //shar phyogs rgyal pos gtsug gi nor bus mchod/ /gsang chen zab mos skal ldan rjes su gzung / /dam tshig rdzas kyi sgrub pa mtha' ru phyin/ /rdor 'dzin kun gyi gtsug rgyan la phyag 'tshal/ /de nas dgung lo so drug ba zhes pa bsgyur byed ces bya ba sa mo phag gi lo la rgyal mkhar rtse nas bdag chen bkra shis rab brtan dpal bzang po yab sras rnams kyis slar yang nan tan chen pos spyan drangs te/ chos grwa chen por dpal 'khor bde chen gyi gtsug lag khang du mkhan chen bde ba'i 'byung gnas pas gtso mdzad/ slob dpon rnam pa che bgres don gnyer gra pa rags bsdus brgya dang lnga bcu tsam la phag gi lo gzhug nas brtsams te zla ba bdun gyi bar gsung ngag rin po ches thog drangs pa'i 'dod chos zab cing rgya che ba du ma yongs su rdzogs par gnang zhing / kun ldan zhes bya ba lcags pho byi ba'i lo'i nang du grol bar mdzad/ de dus rgyal rtse'i zhal ngo lcam sring gnyis la'ang zur du gsung ngag rin po che rdzogs par gnang / de rjes sa skya la skor cig phebs slar yang 'phar ba zhes bya ba lcags mo glang gi lo la sde pa de nyid kyis spyan drangs te bla brang dkar por phyags phebs/ de'i tshe thun mong ma yin pa'i man ngag las byung ba'i lo zla gza' skar sogs 'dzom pa'i dus la bla brang mgon khang bzheng pa'i sta gon gnang / de yang stod la bla ma brgyud pa dang bcas pa'i mgon po lcam dral bka' sdod 'khor bcas sku 'bur dod du grub pa/ gri snying 'khor lo dam