[A:116]tog 'thor ba sogs mdzad/ na bza' ber thul lu hang legs pa zhig gis 'go byas gnang sbyin bsam gyis mi khyab pa dang bcas bstan pa dang sems can la phan pa'i 'chad nyan rgyun ring ba gnang dgos gsung ba sogs kyi bka' stsal te/ de rjes rje nyid mkhas grub gung ru shes bzang pa la sogs pa dam pa mang pos zhabs kyis bcags shing byin gyis brlabs pa'i gnas rgyab ri dkar po zhes bya ba'i ngos dpal ldan rtser sku mtshams zla ba bdun tsam mdzad/ de'i tshe rgyal gyi phu na yod pa'i rnal 'byor pa bzang por byas pa zhig gi nyams snang la/ dpal ldan rtse'i gzims khang gi mthar du ba sngo khyil le bas bskor ba'i gseb na a tsa ra dung long can cig skor ba byed pa'i mthong snang byung 'dug cing / rje nyid kyi zhal nas kyang gnas 'di phun sum tshogs pa zhig 'dug /chos skyong srung ma rnams kyang skyed lhas su 'byon pa bzhin 'dir yang phebs kyi 'dug gsung ba de/ rim bzhin brgyud de smon mkhar ba rnams kyis gsan nas/ de mthun gsol ba btab pas gnas der mgon khang gi bkod pa dang / de'i dbus su mgon po'i sku rje nyid kyi phyag nas ma bzhugs pa gtor tshogs dang bcas pa zhal bkod gnang / de la mchod gtor 'bul zhing thugs dam bskul ba'i sngags 'chang bzhi sde tsam gyi zhabs tog bdag rkyen kyang smon mkhar nas mdzad/ dus der rje nyid kyi snyan grags kyi khams gtsang dbus gsum gyi gra ba sbyin bdag bsam gyis mi khyab pa phyogs mtha' dag nas dbyar gyi char sprin bzhin 'dus shing / gang la gang 'os kyi chos kyi 'khor lo nam