[A:115]ga na yod nged rnams kyis sngar tshor ma myong / zhabs drung rang nas mi gnang na/ mi nyag grags rdor ba gdan 'dren gtang ba yin zer ba zhus pas/ khong gi khyed rnams la phan thogs pa ni mi yong / gang ltar khyed rang rnams kyi 'dod dang bstun la phyin chad nged kyi rna ba ma gtser gsung ba gnang der khong rnams kyis mi nyag grags rdor ba gdan 'dren skor yang btang bas/ dus chos nges pa can la phebs pa'i zhal shes byung / de mthun gdan 'dren la phyin pas sleb gdong la chos rje mi nyag pa gshegs pa dang thug nas log dgos pa byung / des thams cad kyis mngon mkhyen thogs med du mnga' bar nges shes skyes nas/ slar yang bka' gang gnang la mngon par bstod pas bka' bkod bka' drin bskyang dgos zhes nan zhus pas/ zhu dka' se ba zhig la dgongs pa khrol ba byung nas/ nA lenda pa rang gis mi sna dang lhan cig rje btsun rdo ring pa chen po rkang btsugs su mkhyen rab chos rje spyan 'dren pa la zhwa lu ri phug tu phebs/ de nas rim par brgyud nas nA lenda dar phebs zla ba bdun pa'i tshes bcu bzhi la/ bcom ldan 'das kyi nyan thos shA ri'i bu rgya bod kyi mkhas grub du ma'i tshul bzung ba'i mthar/ dus 'dir dga' ldan gyi gnas nas byang phyogs kha ba can du rdo rje theg pa'i bstan pa spel ba la bsam bzhin du sku'i skye ba bzhes pa'i mkhas grub chen po rin po che mkhyen rab mchog grub dpal bzang po'i zhal snga nas nyid/ rong ston thams cad mkhyen pa chen po'i chos kyi mngon par mtho ba'i seng ge'i khri la rgyal tshab dam par dbang bskur zhing / rje btsun dam pa 'dis shis brjod me