[A:245]'ga' gsal bar bsgrags sogs bdag blo byis pa'i skyon gyis nongs gyur de dag rje btsun bla ma dang / /gnas gsum mkha' 'gros dbyings su bzod mdzod brtse ba'i thugs rjes slar yang dus kun 'bral ba med par skyong gyur cig /bdag ni skye zhing skye ba thams cad du/ /gang gi mtshan yang bgrang yas bskal pa'i bar/ /rnyed par dka' ba'i rje btsun chos kyi rje/ /kun spangs chos rje'i zhabs pad bsten par shog /nor bu rnyed nas mching bu 'dor ba ltar/ /thun mong lam gzhan dag tu mi gol bar/ /lam gyi snying po zab mo bla ma'i lam/ /snying gi dkyil nas nyams su len par shog /lus dang longs spyod srog gi 'tsho ba dang / /dus gsum bsags pa'i dge rtsa ji snyed pa/ /'khor gsum rnam dag rab 'byams mchod sprin gyis/ /dpal ldan bla ma rtag tu mchod par shog /khyad par deng nas 'khor ba ma stongs bar/ /rje btsun gsung gi bdud rtsi'i zil mngar rgyun/ /ngom par 'thung nas skal ldan 'gro 'di rnams/ /rje btsun bla ma'i sa la 'khrid par shog /kun bzang dam pa'i 'dzum zhal lta byed cing / /gsang chen chos kyi sgra dbyangs phyogs brgyar sgrog /rje btsun bstan pa'i nyi mar bdag gyur nas/ /byang phyogs gdul bya'i pad tshal skyong bar shog /phyogs 'di'i thub bstan ri bo'i sman ljongs su/ /blo gsal khrims ldan bye ba'i gnas bcas te/ /'gro 'di'i dge legs 'phel ba'i dga' ston du/ /zab don rgya mtsho'i dpal la spyod par shog /gnas skabs su