[A:246]yang tshe ring nad dang bral/ /chos ldan longs spyod 'khor slob phyogs bcur rgyas/ /stobs dang dbang phyug 'gran pa'i zla bral bas/ /phyogs rnams kun las rnam par rgyal bar shog /brtse chen dpal ldan bla ma'i byin rlabs dang / /gsang chen rgyud sde zab mo'i bden tshig dang / /mthu chen dam can rgya mtsho'i 'phrin las kyis/ /rlabs chen smon lam 'grub pa'i bkra shis shog /ces spyir dam pa 'di'i rnam thar mtha' dag ni so so skye bo'i spyod yul ma yin par gong du brjod pa dag gis grub pa dang / khyad par rje nyid zhal bzhugs dus gsol ba btab pa'i gsung las kyang grub thob thang stong rgyal po dang nged dpon slob kyi rnam thar su byung gi blo yul du shong ba med gsung bas/ bdag lta bu blo gros chung zhing sbyangs pa zhan la brjed nges pas ji lta ba bzhin brjod nus pa'i spobs pa ma mchis shing / zhal slob mkhas pa dang grub pa'i dbang phyug du ma bzhugs pa rnams kyis mdzad pa 'os su 'dug pas/ mdzad grub pa zhig 'ong ngam snyam sgugs sdod yun ring po'i ngang du gnas kyang grub par ma thos pa'i 'tshams su ye shes kyi mkha' 'gro rnams kyis cung zad bskul ba'i mtshan ltas kyang 'dug cing gsung ngag rin po che'i bla ma brgyud pa'i rnam thar gyi kha skong dang / skal ba dang ldan pa'i gang zag dag gi rgyud la ye shes kyi byin rlabs 'jug pa'i mtshams sbyor du bsams nas rje btsun rdo rje 'chang chen po de nyid kyi zhabs rdul gtsug gis bsten cing bka' drin chen pos 'tsho ba'i bka' 'bangs spong ba pa/ shAkya'i dge slong rdo rje 'dzin pa blo gsal rgya mtsho grags pa rgyal mtshan dpal bzang pos rje btsun chen pos byin gyis rlabs pa'i gnas