[A:395]tshig tho cher bkod pa'i rdo thal mdog /ma nges phyogs lhung ra ri'i rnyog ma can/ /shes ldan mig gis ldum rar shar ma thag /ngo mtshar pad dkar zum dang 'di mi 'dra/ /rgyal ba'i mdzad pa mtha' dag lta ci smos/ /skal dman gdul bya'i snang ngor thams cad kyang / /ji bzhin tshul 'dir 'dus pa ma yin mod/ /bdag gi blo la snang ba tsam zhig bkod/ /dge ba 'dis mtshon dus gsum dge ba'i tshogs/ /gcig tu bsdus nas mkha' khyab sems can kun/ /srid 'gro nyam ngar ring po mi thogs par/ /rje btsun bla ma'i go 'phang thob phyir bsngo/ /bdag kyang de nas skye ba thams cad du/ /'gro kun dga' byed bla med legs pa'i lam/ /gsal mdzad blo gros mtshungs med bla ma de'i/ /'phrin las sgrub pa'i bran du skye bar shog /mi mnyes skad cig tsam yang mi byed cing / /ji ltar thugs la bzhed pa'i don de dag /srog kyang yal bar bor de bsgrub pa la/ /ngal ba med cing spro bas 'jug par shog /bla ma'i 'phrin las phyogs bcur spel slad du/ /gang la gang 'os rnam 'phrul du ma yis/ /skal ba rab 'bring tha ma thams cad kyang / /nges don zab mo'i lam la 'god par shog /gang na bstan pas ma khyab mun pa'i gling / /dkon mchog gsum gyi sgra med de dag tu/ /dam pa'i chos kyi 'od zer 'bum phrag gis/ /grangs med 'gro ba'i blo mun sel bar shog /rang nyid zhi bde'i bsam sbyor skad cig kyang / /bdag gi rgyud la skye bar ma gyur cig /nges par gzhan la phan na bskal pa brgyar/ /dmyal ba'i gnas su'ang dga' zhing 'dug