[A:396]par shog /lam log lam gol lam ngan zhugs pa kun/ /myur du yang dag lam la 'god byed cing / /sangs rgyas zhing sbyong sems can smin byed gyur/ /smon lam rgya mtsho yongs su rdzogs byed shog /bdag ni mthong thos dran reg grib ma phog /gus pas mchod dang sdang bar byed pa sogs/ /'brel pa thogs pa'i sems can thams cad kyang / /bla ma mchog gis rjes su 'dzin par shog /rgyal ba rgya mtsho'i chos kyi mdzod bzung nas/ /bskal ba rgya mtshor rnam 'phrul sna tshogs kyis/ /chos kyis 'phongs pa'i sems can thams cad la/ /chos kyi sbyin pa lhug par gtong bar shog /tshe 'di yun ring 'tsho zhing longs spyod ldan/ /nad dang bgegs med dam tshig sdom pas phyug /gsang chen zab mo'i bshad sgrub mtha' yas pa/ /dpal ldan bla ma'i 'phrin las rgyas byed shog /bkra shis gang zhig rigs brgya'i gtsug tor nor bu'i rtse la zhabs sen zla dbang gar byed cing / /bkra shis kun 'byung lhan skyes dga' chen legs par mnyes pa'i ngo mtshar legs byas mtha' yas pas/ /bkra shis rgyal ba'i mtshan ma yid 'ong dpal ldan phun tshogs bzang po'i zhabs zhes snyan grags pa/ /bkra shis mtshan gyi rgyal rnga bsgrags pas phyogs 'dir chos dang srid pa'i dge legs rgyas pa'i bkra shis shog /ces bdag cag gi mkhan po dus gsum gyi bde bar gshegs pa thams cad kyi ngo bo don gyi slad du mtshan nas smos te/ rje btsun rdo rje 'chang sgo rum pa chen po'i zhal snga nas kyi rtogs pa brjod pa'i gtam ngo mtshar yid bzhin chu gter bzhad pa zhes