[A:411]bzhin sdom brtson sngags kyang 'grub/ /ces pa chos 'byung mang por slob dpon chos grags la 'chad pa chos kyi skad dod dharma'i zur ni gnyis kar tshang ba dang bstan pa la rab tu byung ba'i sdom brtson yin par mtshungs na'ang chos grags kyis tshad ma rigs pas rgol ba tshar bcad pa de 'dra ba'i paNDi ta ni ches mang la/ brtul zhugs spyod pa'i rdzu 'phrul gyis log lta bcoms pa bsam gyis mi khyab pa'i mdzad pa dang sku tshe de la mchog gi dngos grub brnyes pa dpal ldan chos grags la ma byung bas 'khrul pa 'ong don med cing / grub thob thams cad kyi 'khor lo sgyur ba ni slob dpon 'di nyid do// ! gnyis pa stha bi ra ni shing sbrul 'dar du zhal gyi gtor chen skabs tshar chen rang gi mnal lam du gsal ba bzhin rdo rje gdan gyi nub phyogs na nges gsang rdo rje theg pa'i chos kyi 'byung gnas auDDi ya na zhes yul de'i skye bo rnams 'phur nas 'gro ba'i ma dang mkha' 'gro 'du ba'i yul khyad par can der sku bltams pa na 'tshod gzhon nu'i dus rje btsun rdo rje btsun mo mkha' la spyod pa'i dbang mos rjes su bzung ste lung bstan nas gzengs bstod/ mdo rgyud kyi gzhung la skyes thob kyi shes rab dang sbyor byung gi brtson 'grus kyis gnas lnga mkhyen pa'i paNDi ta'i rtser son bstan pa'i rtsa ba so so thar pa'i bslab pa la gtso bor mdzad pas mtshan stha wi ra ste gnas brtan du grags/ rgya gar rdo rje gdan gyi mkhan por gyur te rgyal ba'i bstan pa chos spyod rnam bcu'i sgo nas nyams pa gso ba dang sngar yod rnams dar rgyas su mdzad par brten paN grub kun gyi gtsug tor gyi rtse mor 'dzegs