[A:412]shing brtul zhugs kyi spyod pa mthar phyin pa'i rdzu 'phrul gyis nag phyogs la dga' ba'i 'byung po gdug pa can gyi nus stobs phral nas yang dag pa'i lam la bkod pa sogs mdzad pa mtha' yas/ rdo ring rin po che'i skye brgyud grub chen lwa ba pa dang 'di nyid dus mtshungs pa yin nam snyam mo// ! gsum pa paN chen dharma pA la ni/ zur thams cad mkhyen pa chos dbyings rang grol gyi gsal snang la shar bar som nyi mi mnga' bas/ rgya gar shar phyogs su sku 'khrungs pa'i slob dpon dharma pA la zhes gnas lnga rig pa mthar phyin zhing rlung sems la rang dbang du gyur pas sku tshe la mnga' brnyes pa zhig byon pa'i tshe/ rdo rje gdan gyi ka ba nas mgon po'i sgrub skor slob dpon padma badzra gyis spyan drangs pa rgya gar du bka' gter gnyis su grags pa'i gter ma de yin zhing / man ngag rnams slob dpon klu sgrub la gsan/ bka' mi nub par bya ba'i phyir du paN grub dha rma pA la la gnang 'di nyid kyis bal po'i rten khyad par can rnams mjal bar byon pa'i tshe tshad pa'i snyun gyis zin par gangs ri mthong sar phebs na phan zer bar brten ha nu manthas 'phangs pa'i kha ba'i dum bu la gangs can du grags pa'i mnga' ris smad kyi gangs ri dang / mtsho ma pham pa gzigs su byon pa na lha btsad pos chos la gus pa'i bkur sti cher mdzad/ khyad par skad gnyis smra ba rin cen bzang pos yo ga'i skor mang du gsan/ mgon po'i sgrub thabs rgya gar gyi gter ma rnams gsan pas lo chen nas brgyud pa la'ang bka' gter zung du 'jug cing / las mgon gyi skor lha btsun byang chub 'od kyi gter ma