[A:413]gsan tshe gnyis po zhu dag pher ba byung skad/ lo chen gyis gser snyim pas bcus nas phul ba ma bzhes nan tar gsol bas khyed mi dga' na ngas 'di khyer gsungs nas rdog po gcig bsnams 'tsho bas phongs na nor dgos kyang nged de 'dra'i tshan min gsungs/ phar gshegs dus dharma pA la yin par shes pa tsam gyis 'do le la spyan drangs rnyed bkur bsam gyis mi khyab pa byung zhing rgya gar du 'phrin las nam mkha' dang mnyam skad/ lhag bsam rab dkar las/ me 'bar ma yi dkar chag phal cher du/ /kha chen dharma pA la zhes gsungs pa/ /yo ga stod lugs brgyud pa'i de nyid dang / /gcig gam gcig na shar phyogs par bshad cing / /zhes pa'i dgongs pa gsal byed mkhan chen ngag dbang chos grags kyi dri lan du/ me 'bar ma yi dkar chag phal cher dang yang dgon pa'i zin bris las/ kha che dharma pA la zhes bshad pa ni yi ge pa'i skyon cung zad dam gsung bgros ma zin par snang ste/ bod du byon nas lo chen gyi bla ma mdzad pa'i dharma pA la 'di nyid ni/ rgya gar shar phyogs pa yin par yo ga dang mgon po'i lo rgyus yi ge rnams las gsal ba'i phyir ro zhes gsungs pas shes nus so// ! bzhi pa paN grub gha ya dha ra ni/'jam dbyangs mkhyen brtse'i gsang ba'i rtogs brjod nas gong du drangs pa bzhin rgya gar shar phyogs bhangga la'i rgyal po tsaNDa ru pa akShi'i yig mkhan gyi rigs yin pas ka phastha zhes grags shing / mtshan dngos gha ya dha ra ste bod skad du sprin 'dzin zer rig pa'i gnas lnga la shin tu mkhas shing slob dpon gnyis spangs zhabs kyis rjes su bzung nas gsung