[A:414]ngag gi bka' babs/ zab chos 'di nyid bod du dar ba'i rten 'brel 'grig tshul ni 'brog mi'i mnal lam bka' rgya mar/ lho nas mi nag po ri bo tsam pa 'phur byung ba'i kha nas dung gi seng ge skyugs/ de'i kha nas gser gyi rdo rje byung ba'i lte ba nas bum pa chus gang ba thugs kar thim pa'i mnal lam byung ba'i sang nyin sgor A tsarYas rwa dung bus byung ba na ltar btang bas lwa ba dmar po gyon pa zhig gis khyed la bstad nas 'ongs zer ba nang du bos nas gsung gleng mdzad par rgyud sde rgya mtshor mkhas shing khyad par rnal 'byor dbang phyug gi gdams pa yod pa mkhyen nas thog mar tshar gsum khug pa'i chos 'brel sogs gsan/ lo gsum nas tshur bod du yong / de dus chos yon gser srang lnga brgya grabs kyis gsung ba bzhin zhal dan mdzad/ lha rtse brag tu bzhugs pa'i tshe zhal dan bzhin paN chen gha ya dha ra phebs/ paNDi ta'i zhal nas gsung ngag 'dzugs pa la gnas khyad par can dgos gsung ba chu la mu gu zhes pa'i sgra byung ba gar song rtsad bcad pa mthar mu gu lung du thim pas rnam par grol ba'i sgra rten 'brel legs par dgongs nas der gnas mdzad/ gsung ngag rin po che lam 'bras bu dang bcas pa'i gdams pa lo gsum la rdzogs par gnang / paNDi ta 'byon par brtsams pa la sngar zhal dan bzhin lo lnga bzhugs par gsol bas chos tshar nas bsdad par dgos pa med gser phri nas phul chog gsung yang rten 'brel mi legs dgongs te gser srang la bteg pa cung zad ma longs par lha rje zur phu che la gdams pa yod bas gser khur shog gsungs pa bzhin phul/ paNDi tar gser