[A:415]srang lnga brgya/ gla rtsi stong / rnga dkar nyis brgya dang rnga nag stong / gos dar sogs chos yon bsam gyis mi khyab pa phul bas paNDi ta'i thugs la gser mang drags pas sgyu ma yin nam dgongs mang mkhar gril chen gyi mi mang sar cir 'dug dris pas gser shin tu bzang zer bar brten mnyes te da khyod la ci dgos gsungs par chos 'phro 'dra yod na zhu gsungs pas/ sku rgyab tu mgon thang bzhes 'phreng ba mgul la bcug gtor ma dbu thog tu bsnams nas lhag ma med pa'i dbu snying mdzad/ slar ci dgos gsung bar chos 'di bdag min pa bod du gzhan la mi gnang ba zhu zhus pas paNDi ta mnyes kyang zer/ la la zhu lugs de cung zad ma byung bas gdung brgyud kyis mi phan pa'i rten 'brel 'phyugs par glengs skad/ 'on kyang mnal lam gyi lung bstan bzhin chos brgyud kyi bstan pa bod dang bod chen po'i rgyal khams yongs su khyab pa'i 'phrin las nam mkha' dang mnyam/ 'gos lhas btsas bla chen la chags sdang gi rnam pas khyad du thon pa zhig bzhed nas mai tri pa gdan 'dren du byon pa lam du gha ya dha ra dang mjal bar su yin dris pas mai tri pa yin gsungs par brten gsang 'dus sogs kyi chos zhu bsgyur du ma mdzad/ rjes su rtsad chod kyang chos zhus zin pa dang shin tu mkhas par 'dug pas zhabs tog bstar/ phebs res 'di la sprin gyi shugs can du grags pas/ grub brgya'i bstod par/ rgyal rigs rig pa'i gnas lngar mkhas/ /nam mkha'i lha la the tshom gcad/ /sprin gyi shugs can zhes pa yi/ /bla ma de la phyag 'tshal lo/ /zhes 'byung /