[A:419]pa rnams kyi dbang du song nas pur sbyangs pas/ 'di yi lus ni bde mchog 'khor lo ste/ /gsung ni ma hA mA ya'i bdag nyid 'gyur/ /thugs ni dpal ldan dgyes pa rdo rje ste/ /sprul pa'i gnas mchog gsang ba 'dus pa la/ /gsang gnas bde skyong gshin rje gshed du 'gyur/ /zhes pa dang mtshungs par/ lha sku dang ring bsrel gyi phung por song / deng sang yang shangs chos khungs btsun gyi rgyun ma chad pa tshar chen gyi thugs rje kho nar mngon no// !
drug pa paN chen bsod snyoms pa chen po ni/ kun mkhyen chos sku 'od zer gyis paN chen gyi sngon gnas dran zhing chos 'od yin pa rje mkhyen brtse'i mnal lam gyis shes nus pas/ rgya gar nub phyogs kha che khri brtan du yab tshong dpon srid brtan yum dge ba ma gnyis kyi sras su me mo lug gi lo la sku bltams/ spyir ma byon sangs rgyas gsum pa rab gsal gyi rnam par sprul pa yin pas 'phags pa'i gang zag gi yon tan dpag par dka' zhing thun mong ba'i snang ngor yang chung ngu'i dus nas yig rtsis sgra snyan/ sdeb sbyor/ mngon brjod/ zlos gar dang gzhan yang rig pa'i gnas bco brgyad la mkhas pa'i rtser son/ mkhan po chen po A kA ra gupta la bsnyen par rdzogs te tshul khrims rnam par dag pas gnas brtan 'dul ba 'dzin pa kun gyi gtsug gi nor bur gyur/ thun mong ba nang rig pa sde snod gsum dang thun mong min pa gsang chen rdo rje theg pa la sbyangs pas mkhas grub kyi snyan pas sa steng khyab/ khro phu ba gnubs byams pa'i dpal lo tsA mdzad bzhed kyis mang yul skyid grong du bzhugs dus