[A:428]bsnyen par rdzogs/ mkhan slob gnyis la 'dul ba'i chos du ma gsan/ chos dbar la 'phreng brag lung sogs su phar phyin dang mngon pa kun las btus sogs kyi bshad pa dang / bsgrub bya khri phrag tu longs pa'i mkhan slob mdzad/ thar lo la sgra ka tsan/ dus 'khor/ kye rdor/ bde mchog /gshed skor/ tha snyad rig pa sogs/ bla ma dpal ldan seng ge la sa lugs nas brgyud pa'i gsang sngags kyi chos skor shin tu rgya che ba/ pha rgod pa la gsang 'dus/ rong pa rdo rje rgyal mtshan la dus 'khor slob dpon 'phags pa la gsang 'dus rim lnga sogs/ bla ma dam pa bsod nams rgyal mtshan la kye rdor gtso bor gyur pa'i mdo sngags kyi chos du ma gsan zhing 'chad nyan mdzad bzhin pa'i mur lcags pho spre'u'i lo dpal zha lu gser bkang du phebs nas sde dgon mtha' dag gi gtsug gi nor bur bkur zhing mdo phyogs kyi 'chad nyan rgya che ba dang sngags chos kyang gsungs shing / grub thob ze dmar bar bde mchog dang gshed skor sogs gsan/ jo bo rje'i phyag tsha bzhugs pa'i spel chung zhig yod pa la gzhi byas ri phug gi gtsug lag khang 'dus sde dang bcas pa btab/ gsang sngags kyi dbang lung rgyud bshad gtso bor gyur pa'i 'chad nyan dang mdo sngags kyi bstan bcos po ti sum cur nye ba'i thugs rtsom mdzad/ sa ga zla ba'i dus chen la rgyud sde bzhi'i dkyil 'khor zhe lnga tsam zhal 'byed pa/ khyad par rnal 'byor rgyud la khro spro sgo bzhi'i gsol 'debs/ sa gar mchod gar sogs shin tu zhib pas rdo rje theg pa'i bstan pa'i srog 'thud pa ltar gyur/ bla ma chen po