[A:435]bar bdag med bstod par/ sbas pa'i rtsa lnga bdud bral cha dang bcas/ /snying gi dbus zhugs gtsug tor mchog tu thim/ /'phags pa'i lam lnga drug pa cha yi dngos/ /rdo rje 'dzin pa bcu gsum sar phyag 'tshal/ /zhes byung zhing mtsho ma dros pa'i 'gram du shing dzambu tri sha'i 'bras bu rdza ma tsam pa chur lhungs pa'i sgra las dza~M zhes byung bas gling dang shing gnyis ka la ming der chags pa'i gling 'di la shar du rgya nag dang khri brtan/ lhor rgya gar dang kha che/ nub tu stag sde dang gzig yan/ byang du khrom dang ge sar/ dbus su bod yul gangs kyi ra ba dang dgu'o/ /zhes pa'i bod kha ba can gyi ljongs 'di/ bde mchog rtsa rgyud las/ bod kyi yul dang de bzhin du/ /mA la wa dang pU li sogs/ /nyi shu rtsa bzhi'i yul yin no/ /zhes bde mchog tu bod 'di srung 'khor gyi gnas brgyad kyi zla tshad dang / kye rdor du gnas dang sa sbyor ba'i sa bcu gnyis par bshad cing / bal po'i rgyal po de wa lhas khri btsun la gdams par/ nga yi snying dang 'dra ba'i bu mo khyod/ /bod ces bya ba khyad par 'phags pa'i yul/ /ri mtho sa gtsang gangs ri gnyan gyi mgul/ /bsil la mdzes pa lha gnas gzhal yas khang / /ngo mtshar rmad byung phan bde 'byung ba'i gzhi/ /chu bo bzhi 'bab rtsi shing nags kyis mdzes/ /'bru sna lnga 'khrungs rin cen sna tshogs 'byung / /zhes phun sum tshogs pa'i yon tan khyad par du 'phags par bstan zhing / zhing sa dang khang sa gnyis te sa'i dge /khang rdo dang chus bskor gyi rdo ste rdo'i dge /zhing chu dang 'thung chu ste chu'i dge /khang shing dang 'bud shing ste shing gi dge /gam