[A:434] nang rang byung rdo rje lus kyi dkyil 'khor du rtsa khams rlung gsum thams cad dag pa ye shes kyi lha bde stong gi rol par 'char ba sogs yon tan phun sum tshogs pas ma dang mkha' 'gro'i gtso mo mdzad pa zhig go /zhi bde'i pad 'dab 'jam mnyen mal stan las/ /sred bral sna tshogs 'gro khams tsher dong du/ /nyer 'jug snying rje'i cha gang chu shel dbang / /lhag bsam rlung gis gdul bya'i mkha' la drangs/ /thugs bskyed nam yang mi yol rlabs 'phreng gis/ /gzhan phan gru gzings dal med rtag g.yeng bar/ /rang bder gcig tu gzhol ba'i chu lha mo/ /khrel rgod so yi lbu ba 'khrigs pa bzhin/ /'dus gsum bgrod dka'i 'phrang las sgrol ba'i sa/ /drug mnan ring min zung 'jug phyag rgya che/ /brnyes kyang da dung bslab pa'i zol sbyor gyis/ /gzhan 'drid sgyu thabs 'di 'dra rigs sam ci/ /sna tshogs sprul pa'i gser zhun nyag thag la/ /mkhas btsun bzang grub rin cen brgyus pa'i rgyan/ /lung rtogs gom stabs lhod po'i sa srungs lus/ /mngon par spud las glang po phal gyi min/ /kun dga'i bde ba bskyed nus dri zhim dang / /bzhon pa'i bser bu lho phyogs nags kyi klung / /lan brgyar myul ba'i reg byas bsnun pa'i mod/ /gyen du ldang ba'i ba spu'i rtse mo rtsub// !
bcu gsum pa sku tshe 'di'i rtogs pa brjod pa la gang du byon pa'i yul ni/ kye rdor bshad rgyud r-i ki a ra li'i rgyud las/ rdo rje 'dzin pa chen po 'grub byed sa bcu gsum pa mngon du byed pa la 'dzam gling chung ngu 'di sa bcu gsum pa thob byed kyi skabs su gsungs pas gling gzhan las ngo mtshar